Žychar Navapołacka paciarpieŭ za padpisku na siem «ekstremisckich» ŚMI
Sudździa suda Navapołacka Zinaida Bałabołava 7 lipienia pastanaviła aryštavać na 15 sutak Siarhieja Krupkina. Na dumku hetaj sumnaviadomaj nie tolki ŭ hetym horadzie sudździ, mužčyna byŭ vinavaty ŭ raspaŭsiudžvańni «ekstremizmu» ŭ sacyjalnych sietkach, piša «Viciebskaja viasna».
U sudzie vyśvietliłasia, što Krupkin, jak karystalnik sacyjalnaj sietki «UKantakcie», byŭ padpisany na kanał «Radyjo Svaboda-Biełaruś», internet-staronki «Maja Kraina Biełaruś» i «STOP LUKA», a taksama byŭ siabram ŭ supołkach «Naš kraj», «Chartyja'97», «Drennyja naviny Biełaruś» i «Kraina dla žyćcia». Usie hetyja infarmacyjnyja resursy raniej zaličyli ŭ respublikanski śpis «ekstremisckich materyjałaŭ».
Na sudovym pasiadžeńni «pravaparušalnik» viny nie pryznaŭ. Pry hetym jon nie admaŭlaŭ taho, što na jahonaj staroncy va «UKantakcie» mielisia pieraličanyja ŚMI, ale jon nie ličyć ich ekstremisckimi.
Apraŭdańni Siarhieja sudździa Bałabołava paličyła niepierakanaŭčymi i na padstavie č. 2 art. 19.11 KaAP pakarała jaho aryštam terminam na 15 sutak z «kanfiskacyjaj pradmieta administracyjnaha pravaparušeńnia, biez kanfiskacyi pryład i srodkaŭ ździajśnieńnia pravaparušeńnia».
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary