Pradstaŭniki Mižnarodnaha ahienctva atamnaj enierhii (MAHATE), jakija pastajanna znachodziacca na Zaparožskaj AES, zafiksavali vybuchi 26 i 27 lipienia.
Eksperty Mižnarodnaha ahienctva atamnaj enierhii (MAHATE) zafiksavali vybuchi kala zachoplenaj rasijskimi vajskoŭcami Zaparožskaj AES, paviedamiŭ kiraŭnik Dziaržaŭnaj inśpiekcyi jadziernaha rehulavańnia Ukrainy Aleh Korykaŭ. Pavodle jaho słoŭ, pradstaŭniki MAHATE, jakija pastajanna znachodziacca na Zaparožskaj AES, zafiksavali vybuchi 26 i 27 lipienia.
Raniej pres-słužba MAHATE paviedamiła, što ekśpierty arhanizacyi padčas ahladu ZAES 23 lipienia ŭbačyli niekalki min, raźmieščanych u bufiernaj zonie pamiž unutranym i vonkavym pierymietram stancyi. Miny znachodzilisia ŭ zakrytaj zonie, kudy piersanału stancyi niama dostupu.
Rasija zachapiła Zaparožskuju AES u pieršyja dni poŭnamaštabnaha ŭvarvańnia va Ukrainu. Na pačatku lipienia 2023 hoda ŭłady Ukrainy zajavili, što rasijskija siły rychtujuć pravakacyju na AES. Rasijski bok, u svaju čarhu, śćviardžaŭ, što ŭkrainskija vojski rychtujucca atakavać stancyju ŭ noč na 5 lipienia. Nijakich zdareńniaŭ u paznačany čas na AES nie zafiksavali, pry hetym na spadarožnikavych zdymkach AES na dachu enierhabłoka № 4 zaŭvažyli pabočnyja nieapaznanyja pradmiety, jakija źjavilisia ŭ noč na 5 lipienia, paviedamlaje Mieduza.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary