Kitaj voźmie ŭdzieł u sustrečy nakont mirnaha płana Ukrainy ŭ Saudaŭskaj Aravii
Kitaj paćvierdziŭ, što voźmie ŭdzieł u sustrečy dziela dasiahnieńnia miru va Ukrainie, jakaja projdzie ŭ Saudaŭskaj Aravii 5—6 žniŭnia. Pra heta źjaviłasia paviedamleńnie Ministerstva zamiežnych spraŭ Kitaja, jak piša «Ukrainskaja praŭda».
«Na zaprašeńnie Karaleŭstva Saudaŭskaja Aravija śpiecyjalny pradstaŭnik urada Kitaja pa pytańniach Jeŭrazii Li Chuej naviedaje Džydu dla ŭdziełu ŭ sustrečy nakont ukrainskaha pytańnia.
Kitaj hatovy supracoŭničać ź mižnarodnaj supolnaściu, kab praciahvać adyhryvać kanstruktyŭnuju rolu ŭ pošuku palityčnaha ŭrehulavańnia kryzisu va Ukrainie», — adznačajecca ŭ paviedamleńni kitajskaha MZS.
Pradstaŭnikoŭ Rasii na hetaj sustrečy nie budzie, ich navat nie zaprašali.
Raniej paviedamlałasia, što Jeŭrasajuz čakaje ŭdziełu pradstaŭnikoŭ kala 40 dziaržaŭ na niefarmalnaj sustrečy ŭ Saudaŭskaj Aravii ŭ kancy tydnia, dzie buduć abmiarkoŭvać šlachi dasiahnieńnia miru va Ukrainie.
Ab praviadzieńni sustrečy ŭ Saudaŭskaj Aravii ŭ Džydzie 5—6 žniŭnia spačatku paviedamiła vydańnie The Wall Street Journal, a paźniej infarmacyju paćvierdziŭ kiraŭnik Ofisa prezidenta Ukrainy Andrej Jarmak.
Ukrainskija i zachodnija aficyjnyja asoby spadziajucca, što hetyja namahańni mohuć zaviaršycca mirnym samitam u kancy hetaha hoda, na jakim suśvietnyja lidary padpišuć ahulnyja pryncypy spynieńnia vajny.
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Jeŝio pokazatielnyj momient v tom, čto k pitierskoj španie, na sammit Afriki, prijechali vtoryje i trieťji lica.
Eto hovorit o tom, čto Rośsija udobna tiepieŕ i siejčas - śpisyvajet dołhi i dajot, biezvozvratno, bolšije dieńhi miełkim ludojedam i banditam iz Afriki.
Nie tolko vychodom iz ziernovoj sdiełki, špana pitiera, nahadiła vzrosłym diadiam, no i sozdanijem chaosa v Afrikie, hdie mnoho intieriesov vzrosłych diad́.