Zasnavalnika «Ruskaha dobraachvotnickaha korpusa» zavočna asudzili na pažyćciovaje źniavoleńnie
Dzianisa Kapuścina asudzili adrazu pa piaci artykułach Kryminalnaha kodeksa.
Druhi zachodni akruhovy vajskovy sud zavočna prysudziŭ da pažyćciovaha termina Dzianisa Kapuścina — zasnavalnika «Ruskaha dobraachvotnickaha korpusa», jaki vajuje ŭ składzie USU, piša «Miedyjazona».
Praces išoŭ u zakrytym režymie, a pra jaho pačatak žurnalisty daviedalisia vypadkova. Na abviaščeńnie prysudu Kapuścinu, jakoje miełasia prachodzić adkryta, nie zapuścili žurnalistaŭ.
Dzianisa Kapuścina abvinavačvali pa piaci artykułach KK Rasijskaj Fiederacyi:
- dziaržaŭnaja zdrada (artykuł 275 KK),
- zamach na terakt (č.3 art. 30; punkt «a» č.2 art. 205 KK),
- navučańnie terarystyčnaj dziejnaści (art. 205.3 KK),
- stvareńnie terarystyčnaj supołki (č. 1 art. 205.4 KK)
- nabyćcio vybuchoŭki (punkt «a» častki 3 artykuła 222.1 KK).
U krasaviku Basmanny rajonny sud Maskvy zavočna aryštavaŭ jaho pa spravie ab rejdzie dyviersantaŭ u Branskaj vobłaści 2 sakavika, adkaznaść za jaki ŭziaŭ na siabie RDK.
Praz čatyry dni paśla rejdu, 6 sakavika, FSB adčytałasia ab praduchileńni zamachu na pradprymalnika, uładalnika prapahandysckaha telekanała «Carhrad» Kanstancina Małafiejeva. Viedamstva śćviardžała, što pad jaho mašynaj znajšli «samarobnaje vybuchovaje prystasavańnie», zakładku jakoha arhanizavaŭ Kapuścin.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary