Uładalnik biełaruskaha klubu MTZ-RIPA nabyŭ rasiejskuju submarynu K-19

Hieraičnaja savieckaja padvodnaja łodka K-19, razabranaja na metałałom u 2003 h., znoŭ zapatrabavanaja. Hetym razam u jakaści memaryjału. Finansuje prajekt stvareńnia muzeja Ŭładzimier Ramanaŭ, litoŭski biznesoviec rasiejskaha pachodžańnia. 58-hadovy ŭradženiec Ćviarskoj vobłaści, źjaŭlajecca prezydentam i zasnavalnikam UKNO Banka, uładalnikam cementavych zavodaŭ i telestancyj u Bośnii, Sierbii i Polščy. Šatlandzkaja hazeta The Scotsman aceńvaje ŭłasnaść Uładzimiera Ramanava ŭ 500 młn dalaraŭ.

K-19 – pieršaja savieckaja atamnaja submaryna (mianuška – płavajučaja Chirasima), uzbrojenaja balistyčnymi rakietami, i adna z samych znakamitych padłodak časoŭ chałodnaj vajny.

4 lipienia 1961 h., kali padvodny rakietanosiec udzielničaŭ u vučeńniach u Paŭnočnaj Atlantycy, u systemie achaładžeńnia reaktara adbyłasia avaryja. Ekipaž nievierahodnymi vysiłkami zmoh likvidavać nastupstvy incydentu. Ale maraki, što atrymali maksymalnyja dozy vypramianieńnia, pamierli ciaham tydnia. Jašče 14 padvodnikaŭ pamierli na praciahu nastupnych dvuch hadoŭ.

Eksperty da hetaha času spračajucca, nakolki była vierahodnaj mahčymaść jadziernaha vybuchu. Ale viadoma adno – kali b nie mužnaść savieckich marakoŭ, bujnamaštabnaja avaryja na borcie submaryny ŭ samy razhar «chałodnaj vajny» – mahła b paciahnuć za saboj niezvarotnyja nastupstvy dla ŭsiaho śvietu.

Uładzimier Ramanaŭ słužyŭ na padłodcy ŭ 1966-1969 hh. «Treba raźmiaścić jaje niedzie bližej da raki. Ci na Maskva-race, ci pad Maskvoj», – dzielicca planami Ŭładzimier Ramanaŭ.

K-19, što pieražyła niekalki avaryj, była vyklučana sa składu Paŭnočnaha flotu ŭ 1991 h. U 2002 h. jaje pastavili na ŭtylizacyju. U tym ža hodzie na ekrany vyjšaŭ film K-19 z Charysanam Fordam u hałoŭnaj roli. «Źniata vielmi blizka da rečaisnaści», – kaža Ramanaŭ u interviju našaj hazecie.

«Ideja pieratvaryć K-19 u muzej naležyć ciapier niabožčyku, kamandziru Mikałaju Zaciejevu, – raspavioŭ historyk Alaksandar Nikišyn, – staršynia arhkamitetu śviatkavańnia 45-hodździa podźvihu ekipažu K-19. Jašče ŭ 2003 h. my zrabili sprobu zachavać łodku, ale ŭdałosia vyratavać tolki rubku.

U vyniku budzie ŭznoŭlena bajavaja rubka. Planujecca pabudavać i stylizavany korpus submaryny. Unutry budzie raźmiaščacca muzej z ekspazycyjaj, pryśviečanaj historyi avaryi na K-19, ekipažu 1961 h., a taksama klub marakoŭ-padvodnikaŭ.

Iźviestija

• 0
• 0
• 0
• 0
• 0
• 0
• 0
• 0