Stali viadomyja proźviščy jašče troch uradžencaŭ Biełarusi, jakija vajavali na baku Rasii i zahinuli va Ukrainie
Raniej paviedamlali ab paćvierdžanaj hibieli 16 biełarusaŭ i vychadcaŭ ź Biełarusi, jakija vajavali ŭ składzie pryvatnaj vajskovaj kampanii «Vahnier», rasijskaj armii i ŭ vajenizavanych farmavańniach tak zvanych «DNR» i «ŁNR».
Ukrainski prajekt poternet.site apublikavaŭ proźviščy jašče vaśmi ŭradžencaŭ Biełarusi, jakija vajavali ŭ rasijskaj armii i zahinuli ŭ časie bajavych dziejańniaŭ na terytoryi Ukrainy. Infarmacyja pra troch ź ich raniej nie była viadomaj, piša «Radyjo Svaboda».
Zhodna ź infarmacyjaj prajekta, 25 sakavika 2022 hoda zahinuŭ Viačasłaŭ Monič, jaki naradziŭsia ŭ 1974 hodzie ŭ Pinsku. Słužyŭ u 9-m upraŭleńni departamienta apieratyŭnaj infarmacyi piataj słužby FSB Rasii. Padrabiaznaści ab abstavinach hibieli nie paviedamlajuć.
Pavał Makaraŭ naradziŭsia ŭ Minsku ŭ 1987 hodzie. Baćki pierajechali ŭ Kastramskuju vobłaść Rasii nieŭzabavie paśla jahonaha naradžeńnia. Słužyŭ pavodle kantraktu ŭ pavietrana-desantnych vojskach Rasiei miechanikam-kiroŭcam. Dvojčy ŭdzielničaŭ u vajskovych paradach na Krasnaj płoščy ŭ Maskvie. Zahinuŭ 19 krasavika 2022 hodu, vajavaŭ u składzie raźviedvalnaj roty parašutna-desantnaha pałka. Jaho pachavali na Alei słavy ŭ Kastramie.
Uładzisłaŭ Čarnoŭ naradziŭsia ŭ Mahiloŭskaj vobłaści ŭ 1997 hodzie. Kali jamu było dva hady, siamja pierajechała ŭ Rasieju, u Tamboŭskuju vobłaść. Słužyŭ pa kantrakcie ŭ Nacyjanalnaj hvardyi Rasiei ŭ zvańni małodšaha siaržanta. Zahinuŭ 28 sakavika 2022 hodu. Jaho pachavali ŭ pasiołku Znamienka Tamboŭskaj vobłaści.
Raniej roznyja krynicy paviedamlali, što na vajnie va Ukrainie zahinuli ŭradžency Biełarusi Andrej Babko, Raman Hrovič, Vasil Kurłovič, Alaksandr Šyjanaŭ, Piotra Łuzanaŭ, Pavał Jaŭhleŭski, Illa Kurnaloŭ, Uładzisłaŭ Čarnoŭ, Mikałaj Markaŭ, Ihar Vałačyłaŭ, Alaksiej Ciškievič, Vital Zahnietkin, Alaksandr Michajłaŭ, Ivan Ihnacienka, Jarasłaŭ Astaškoŭ i Siarhiej Łanavienka.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary