U Baškartastanie pamior Ryfat Dautaŭ, jakoha zatrymali ŭ suviazi z akcyjami pratestu
Pryčyny śmierci pakul nie jasnyja, adnak viadoma, što jon pamior nieŭzabavie paśla taho, jak jaho pavieźli, jak miarkujecca, supracoŭniki AMAP.
U Baškartastanie pamior Ryfat Dautaŭ, jakoha zatrymali ŭ suviazi z akcyjami pratestu suprać prysudu aktyvistu Failu Ałsynavu. Pra śmierć Dautava paśla zatrymańnia paviedamiła ŭ telehramie jaho siastra Zalija, pra jaje taksama piša advakat Ałsynava Ilnur Sujundukaŭ. Pryčyny śmierci pakul nie jasnyja, adnak viadoma, što Dautaŭ pamior nieŭzabavie paśla taho, jak jaho pavieźli, jak miarkujecca, supracoŭniki AMAP, paviedamlaje rasijskaja słužba Radyjo Svaboda.
Pry hetym Dautaŭ, jak vynikaje sa słoŭ jaho siastry, nie ŭdzielničaŭ u akcyjach pratestu — ani ŭ Bajmaku, dzie adbylisia sutyknieńni prychilnikaŭ Ałsynava z palicyjaj, jakija ŭłady acharaktaryzavali jak biesparadki, ani va Ufie 19 studzienia.
Jak śćviardžajecca, jon tolki znachodziŭsia va Ufie pobač ź miescam praviadzieńnia akcyi na centralnaj płoščy, ale sam u joj nie ŭdzielničaŭ.
Uviečary 19 studzienia da jaho pryjšoŭ učastkovy, kab uručyć papiaredžańnie, a 25 studzienia, kali jon pajechaŭ za horad, jon byŭ zatrymany ludźmi ŭ formie bajcoŭ AMAP, jakija «nie pradstavilisia, nieviadoma, kudy pavieźli» zatrymanaha.
Paśla hetaha svajakoŭ zaprasili va ŭfimski morh dla apaznańnia cieła Dautava, adnak, jak śćviardžajecca, nie puścili tudy, spasłaŭšysia na adsutnaść śledčaha. Cieła pamierłaha jany pakul nie bačyli.
«Tak, ja ŭciok. Inakš — turma, 15 hadoŭ». Baškirski śpiavak Ałtynaj Valitaŭ źjechaŭ z Rasii
Da baškirskaha śpievaka, jaki zaklikaŭ žycharoŭ nacyjanalnych respublik Rasii vyjści na pratesty, pryjšli siłaviki
«Prapahanda havoryć: «My — ruskija». A my nie ruskija». Baškirskija aktyvisty zaklikali da pratestaŭ i ŭ inšych nacyjanalnych respublikach
U čym sapraŭdnaja pryčyna maštabnaha pratestu ŭ Baškartastanie
Baškirskaha aktyvista prysudzili da čatyroch hadoŭ kałonii. Jaho znoŭ pryjšli padtrymać tysiačy čałaviek, ich razahnali
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary