Słužba dziaržbiaśpieki Łatvii nie ličyć złačynstvam supracoŭnictva łatvijskaj jeŭradeputatki z rasijskaj FSB
Słužba dziaržbiaśpieki (SHB) Łatvii 30 studzienia zajaviła, što dziejańni deputatki Jeŭraparłamienta Taćciany Ždanok, jakaja jak minimum z 2004 hoda ŭzajemadziejničała z supracoŭnikami FSB, «nie kvalifikujucca jak złačynstva».
U viedamstvie ŭdakładnili, što nie ličać złačynnaj dziejnaść jeŭradeputatki, tamu što jana pryjšłasia na pieryjad z 2004 pa 2013 hod, a da 2016 hoda łatvijskaje zakanadaŭstva nie praduhledžvała kryminalnuju adkaznaść za dapamohu zamiežnaj dziaržavie abo zamiežnaj arhanizacyi, nakiravanuju suprać Łatvii.
Pavodle acenki viedamstva, status Taćciany Ždanok jak deputatki Jeŭraparłamienta i jaje jurydyčnaja niedatykalnaść, jakaja zabiaśpiečvajecca hetym statusam, «byli važnym aśpiektam, jaki spryjaŭ jaje dziejnaści pa padtrymcy hieapalityčnych intaresaŭ Rasii».
Słužba biaśpieki Łatvii płanuje «acanić infarmacyju ab mahčymym supracoŭnictvie Ždanok z rasijskimi śpiecsłužbami».
Tym časam u Jeŭraparłamiencie pačali ŭnutranaje rasśledavańnie abstavin mahčymaha supracoŭnictva Ždanok z rasijskimi śpiecsłužbami.
U pres-słužbie Jeŭraparłamienta ŭ adkaz na zapyt Deutsche Welle paviedamili, što abvinavačvańni na adras Ždanok praź mierkavanaje supracoŭnictva z FSB źjaŭlalisia ŭ ŚMI ŭ 2016 hodzie. Kali fakty jaje ŭzajemadziejańnia z rasijskimi śpiecsłužbami paćvierdziacca, suprać jeŭradeputatki mohuć uvieści sankcyi.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary
Ale zdajecca, što raśledvańnie spravy Ždanok - tolki pytańnie času. Bo hučyć nievierahodna, kab jana spyniła supracoŭnictva z FSB mienavita ŭ 2016.