«Ličać, kolki kaštujuć, a my nie možam za hetyja hrošy kupić tam anučy jakija-niebudź». Łukašenka staŭ adkazvać na pretenzii pra adzieńnie
Padčas narady pa adukacyi Alaksandr Łukašenka vykazaŭsia pra toje, chto što nosić.
«U nas idzie źmiena pakaleńniaŭ. Usie, chto siadzić tut, rana ci pozna syduć. A chto pryjdzie za nami?» — pačaŭ jon razvažać i niečakana pieraklučyŭsia na adzieńnie, jakoje nosić moładź (i jakoje jon, ź jaho słoŭ, nibyta nie moža sabie dazvolić).
«Nazyvajuć hetyja impartnyja brendy i inšaje — ja takich nie čuŭ. A kali i čuŭ, dyk tolki za imia tam vialikija hrošy płaciać. Ale našy narmalna ŭžo šyjuć. Nie, treba tam.
A kali ličać, kolki kaštujuć, to pradjaŭlajuć pretenziju, a my nie možam za hetyja hrošy kupić tam anučy jakija-niebudź. A navošta tabie hetaja anuča?
Ja pryjechaŭ niekali ŭ Złučanyja Štaty, najbahaciejšaja kraina. Hladžu: miljarder, ja ź im sustrakajusia pa inviestycyjach i inšaje, [na mnie] akuratny kaściumčyk, [a jany] amal usie ŭ pamiatych niejkich. Dumaju: boža moj, takija hrošy. A ŭ ich nie pryniata. A ŭ ich tady i, upeŭnieny, ciapier nie pryniata było vydurniacca, vypinacca.
A ŭ nas užo siońnia małady čałaviek, jon kali nie adzieniecca, ja navat nie viedaju, jak televiadučy ci teledziva — niedzie treba, moža być, adziecca, — jon užo kiepska žyvie».
Što hetym chacieŭ skazać Łukašenka, składana skazać, bo skončyŭ jon vysnovaj pra «Chočam daskakacca da Ukrainy?».
Małodšy syn Łukašenki nosić čaściej demakratyčnyja marki sport-kežuał. Naprykład, cišotki ad Under Armour ci kłasičnyja poła ad viadomaha brenda Marc O'Polo. Kaściumy dla Koli, mierkavana, šyjucca ŭ staličnym atelje LineA — tam ža, dzie stvarajucca kaściumy amal usioj łukašenkaŭskaj elity.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB57
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Studzient, skidaj łajno, pamyjsia i biažy fiłasofiju z vyškaj batanić.))