Čaćviora dziaciej u Oršy byli zadušanyja. Prakuratura vystupiła z zajavaju
Šaściora dziaciej raśli ŭ niapoŭnaj siamji, u studzieni siamju pryznali sacyjalna niebiaśpiečnaj, raspaviała prakuratura. Pryčyny ŭčynku maci, jakuju padazrajuć u hetym zabojstvie, nie nazvali.
Paviedamleńnie pra toje, što ŭ adnoj z kvater u Oršy znachodziacca trupy małaletnich, pastupiła ŭ milicyju ad sacyjalnaha piedahoha ŭviečary 14 lutaha, raspaviała prakuratura.
Na miescy śledča-apieratyŭnaja hrupa vyjaviła cieły čaćviarych dziaciej va ŭzroście ad hoda da 8 hadoŭ z prykmietami zadušeńnia.
Pa padazreńni ŭ ździajśnieńni złačynstva zatrymanaja 36-hadovaja maci hetych dziaciej.
Pavodle prakuratury, dzieci vychoŭvalisia ŭ šmatdzietnaj niapoŭnaj siamji. U ich byli roznyja baćki, jakija nie žyli ź imi.
Raniej u dačynieńni da siamji trojčy pravodzilisia sacyjalnaje rasśledavańnie. Pa vynikach apošniaha ŭ studzieni było pryznana, što ŭsie šaściora dziaciej znachodziacca ŭ sacyjalna niebiaśpiečnym stanoviščy: baćki nie zadavolvali ich asnoŭnyja žyćciovyja patreby, nie vykonvali rekamiendacyi miedycynskich rabotnikaŭ, u domie sistematyčna adsutničała ježa dla dziaciej, pry hetym ich baćki viali amaralny ład žyćcia, paviedamlaje prakuratura.
Adzin z baćkoŭ raniej byŭ nakiravany ŭ lačebna-pracoŭny prafiłaktoryj.
Uzbudžanaja kryminalnaja sprava ab zabojstvie zaviedama małaletnich.
Učora ŭviečary SK paviedamiŭ, što ŭ Oršy ŭ kvatery znajšli cieły čatyroch zabitych małych dziaciej.
Adzin z prapahandysckich telehram-kanałaŭ paviedamiŭ, što žančyna vyrašyła nie addavać dziaciej orhanam sacapieki, tamu zabiła ich. Sama jana nibyta chacieła ździejśnić suicyd, ale biespaśpiachova.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary