«Svaje 50-60% nacenki ŭsio adno atrymlivajem». Jak pastaŭščyki navučylisia nie hublać prybytak va ŭmovach žorstkaha rehulavańnia cen

Kab nie hublać prybytak, niekatoryja pastaŭščyki prydumali nie nadta mudrahielistuju, ale całkam dziejnuju schiemu.

Voś jak jana vyhladaje. Zamiežny pastaŭščyk tavaraŭ vystaŭlaje invojs za partyju tavaru na 50 tysiač dalaraŭ. Častka hetaj sumy apłačvajecca adrazu, naprykład, 40 tysiač, a jašče 10 zhodna z damovaj apłačvajucca paźniej.

Ale pa fakcie hetyja 10 tysiač biełaruski imparcior zamiežnamu pastaŭščyku nikoli nie pieraličvaje. Paśla pastaŭki tavaru ŭ Biełaruś jon vystaŭlaje invojs zamiežnaj kampanii, nibyta na hetuju sumu byli akazanyja markietynhavyja pasłuhi.

I pakolki biełaruskaja jurydyčnaja asoba pavinna zamiežnaj 10 tysiač za tavar, a zamiežnaja biełaruskaj za pasłuhi — robicca ŭzajemaraźlik.

Dziakujučy padobnym manipulacyjam, biełaruski pastaŭščyk maje mahčymaść rabić nacenku na tavary z ulikam poŭnaj cany (50 tysiač), a nie faktyčna apłačanaj (40 tysiač).

Takim čynam biełaruski imparcior nie tolki atrymlivaje mahčymaść dadavać handlovuju nacenku na bolš vysokuju sumu, ale i atrymać tyja 10 tysiač ad pakupnika tavara ŭ Biełarusi.

Jak rastłumačyli «Našaj Nivie» ludzi, znajomyja ź situacyjaj, padobny schiematoz dazvalaje trymacca imparcioram na płavu i pa fakcie rabić nacenku ŭ pamiery 50-60%, a nie, naprykład, maksimum u 30%, jak dyktuje 713-ja pastanova na asobnyja tavary.

Handlovyja sietki, pa ich słovach, taksama atrymlivajuć z hetaha svaje dyvidendy, atrymlivajučy svoj pracent ad imparciora, jaki dziakujučy zahraničnamu pastaŭščyku moža abyści abmiežavańni.

Čamu biznes idzie na chitryki?

Pastanova Saŭmina № 713 ad 19 kastryčnika 2022 hoda rehuluje maksimalnyja handlovyja nadbaŭki na asnoŭnyja hrupy tavaraŭ. Abmiežavańni raspaŭsiudžvajucca na imparcioraŭ, aptavikoŭ, handlovyja sietki i drobnych handlaroŭ. Maksimalnyja nadbaŭki imparcioraŭ dla charčovych tavaraŭ vyznačanyja ŭ dyjapazonie ad 15 da 40%, dla niecharčovych — u dyjapazonie ad 15 da 60%. Handlovym sietkam (z ulikam aptovaj nadbaŭki) dazvolena nakručvać ad 15 da 40% na charčovyja tavary i ad 15 da 55% na niecharčovyja. 

Adnym z nastupstvaŭ žorstkaha rehulavańnia cen ekanamisty nazyvajuć padzieńnie čystaha prybytku na 8,1% pry roście vyručki na 11,9%. Taksama heta niehatyŭna adbivajecca na asartymiencie tavaraŭ, bo biznesu časam praściej admovicca ad niekatorych pazicyj u asartymiencie, čym pradavać ich pa novych praviłach. 

Padrabiaźniej ab plusach i minusach pastanovy možna pračytać tut.

Čytajcie taksama:

Za čatyry pajezdki ŭ Polšču moža atrymacca narmalnaja biełaruskaja zarpłata. Kolki zarablajuć biełaruskija čaŭnaki

Razmytnienyja pa lhocie aŭto nielha budzie pradavać u Rasiju. Što źmienicca ŭ zakonie i jak heta adabjecca na Biełarusi?

Da čaho moža pryvieści zakryćcio jašče dvuch punktaŭ propusku na miažy ź Litvoj

• 8
• 0
• 4
• 2
• 3
• 3
• 7
• 0