Čym zajmajecca ŭ kałonii były kiraŭnik słužby biaśpieki Alaksandra Łukašenki Andrej Uciuryn
Aŭtar jutub-kanała «Narodny reparcior» Siarhiej Piatruchin u novym vypusku TOK raskazaŭ, jak vyhladaje i čym zajmajecca ŭ kałonii Andrej Uciuryn, jaki adbyvaje 12-hadovy termin, a taksama pra staŭleńnie da jaho z boku astatnich źniavolenych.
Siarhiej Piatruchin byŭ zatrymany ŭ 2020 hodzie za dva miesiacy da vybaraŭ. U 2021 hodzie jaho asudzili da troch hadoŭ źniavoleńnia. Termin mužčyna adbyvaŭ u kałonii «Vićba», dzie ŭtrymlivajucca byłyja siłaviki, sudździ, čynoŭniki i biznesmieny. Siarod ich i były kiraŭnik słužby biaśpieki Łukašenki Andrej Uciuryn.
Na słovach Piatruchina, Uciuryn vielmi akuratny, dobra vyhladaje. «U jaho takija tufli byli fajnyja (viedajecie, jak tam chočacca mieć zručny abutak). I jon taki vielmi akuratny».
Pry hetym, adznačaje Piatruchin, Uciuryn pa niejkich pryčynach chodzić na pracu nie sa svaim atradam u šviejny cech, a razam z tymi, chto pracuje ŭ bolš žorstkich umovach.
«Jon z nami chadziŭ. My zajmalisia drotam. Nie pamiataju, što jon tam rabiŭ, bo jon u mianie na vačach nie byŭ. Jon sa svajho atradu dałučaŭsia da našaha. I tam z našymi chłopcami niešta rabiŭ».
Pa słovach Piatruchina, u kałonii «milicyjantaŭ i takich, jak Uciuryn, ihnarujuć». Pry hetym, Uciuryn sam pa sabie adzinočka.
Hladzicie całkam:
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary