Dva čałavieki akazalisia ŭ reanimacyi ŭ Hrodnie z-za ŭkusaŭ klaščoŭ
Dva pacyjenty abłasnoj infiekcyjnaj balnicy apynulisia ŭ reanimacyi z kleščavymi infiekcyjami, jašče dva rychtujucca da vypiski. Pra heta raspaviali ŭ efiry «Hrodna Plus». Pry hetym zaznačajecca, što siezon tolki pačaŭsia.
Letaś z kleščavym encefalitam da hrodzienskich miedykaŭ trapili 72 čałavieki, u tym liku siamiora dziaciej. Pryčym častka pacyjentaŭ navat nie viedała pra ŭkus.
— Častka pacyjentaŭ, heta niedzie da 30% pralečanych z dadzienym zachvorvańniem, vyklučajuć sam ukus klašča. Čamu tak? Heta samačka klašča moža ŭkusić, unieści virus i adpaści ad skury. Tamu čałaviek nie budzie navat viedać, što jaho ŭkusiŭ klešč. I, na žal, praź niejki čas raźvivajecca zachvorvańnie, — rastłumačyła Natalla Małyška, hałoŭny doktar hrodzienskaj abłasnoj infiekcyjnaj balnicy.
Jakija simptomy kleščavoha encefalitu? Pieršyja prykmiety — lohkaja niemač, zakładzieny nos, piaršeńnie ŭ horle, słabaść, nievysokaja tempieratura. Doŭžycca hety pieryjad 5-6 dzion. Paśla samaadčuvańnie palapšajecca, ale nienadoŭha: na 10—14 sutki ŭźnikaje druhaja chvala.
Raźvivajecca paškodžańnie centralnaj niervovaj sistemy, pačynajecca paražeńnie hałaŭnoha mozha. Heta moža pryvieści da reanimacyi.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary