Łukašenka: Stasunki Biełarusi i Turkmienistana vychodziać na jakasna novy ŭzrovień

Pra heta zajaviŭ siońnia Alaksandr Łukašenka na sustrečy ŭ Minsku z prezidentam Turkmienistana Hurbanhuły Bierdymuchamiedavym.

Kiraŭnik biełaruskaj dziaržavy nahadaŭ, što ŭ minułym hodzie baki zmahli aktyvizavać rabotu pa šerahu tradycyjnych napramkaŭ supracoŭnictva, a taksama zakłaści asnovu dla pryncypova novych. Adzin z pazityŭnych prykładaŭ — prajekt pa budaŭnictvu horna‑abahačalnaha kompleksu pa vypusku kalijnych uhnajeńniaŭ u Turkmienistanie. «Heta znakavy etap u našych adnosinach, jaki, ja ŭpeŭnieny, padšturchnie dvuchbakovaje supracoŭnictva va ŭsich sumiežnych halinach».

Alaksandr Łukašenka ličyć, što ŭ Biełarusi i Turkmienistana jość nieabchodnyja ŭmovy dla zbałansavanaha i doŭhaterminovaha naroščvańnia abjomaŭ dvuchbakovaha handlu, naładžvańnia vytvorčych i kaapieracyjnych suviaziej. Stanoŭčy dośvied takoha supracoŭnictva ŭ dźviuch krain užo jość. Minskim traktarnym zavodam vykanany kantrakt na pastaŭku 1500 traktaroŭ.

Dobra zarekamiendavali siabie ŭ Turkmienistanie nie tolki šyroka viadomyja traktary «Biełarus», ale i biełaruskija hruzavyja aŭtamabili, darožnaja technika. Na vyprabavańniach pa zajaŭkach turkmienskich ministerstvaŭ i viedamstvaŭ znachodzicca šerah novych uzoraŭ. Kiraŭnik biełaruskaj dziaržavy padkreśliŭ, što Biełaruś hatova prapanavać novyja schiemy realizacyi składanaj mašynabudaŭničaj pradukcyi ŭ Turkmienistanie.

Nie mienš važnym elemientam dyjałoha źjaŭlajecca taksama sumiesnaja rabota ŭ śfiery navuki i technałohij. Biełaruskija vučonyja papiarednie prapracavali ŭžo šerah napramkaŭ dla sumiesnaj realizacyi. Biełaruski lider ličyć, što niepasredna ŭ kantrakty na pastaŭku biełaruskaj techniki mohuć być uklučany pałažeńni ab navučańni turkmienskich śpiecyjalistaŭ. Prykładam moža słužyć prajekt pa navučańniu 120 studentaŭ z Turkmienistana ŭ biełaruskich profilnych VNU dla nastupnaj raboty na kompleksie pa vytvorčaści kalijnych uhnajeńniaŭ. Prezidenty damovilisia, što ŭ budučym hodzie kolkaść turkmienskich studentaŭ, jakija navučajucca ŭ biełaruskich VNU, budzie pavialičana na stolki, na kolki pažadaje turkmienski bok.

Alaksandr Łukašenka adznačyŭ, što bolšy dynamizm nieabchodna nadać pracesu raźvićcia humanitarnaha supracoŭnictva pa šerahu napramkaŭ. Turkmienski bok prapanavaŭ u červieni 2010 hoda ŭ Minsku i Viciebsku pravieści Dni kultury Turkmienistana.

Prezident Biełarusi zapeŭniŭ turkmienskaha kalehu, što Biełaruś hatova dzialicca sučasnymi technałohijami i vopytam dla jašče bolš paśpiachovaj realizacyi płanaŭ raźvićcia ekanomiki Turkmienistana. Jon vykazaŭ upeŭnienaść, što dasiahnutyja siońnia damoŭlenaści nie tolki ŭmacujuć bazu dvuchbakovaha supracoŭnictva, ale i daduć mahčymaść stvaryć spryjalnuju atmaśfieru dla dalejšaha pašyreńnia i pahłybleńnia ŭzajemaadnosin. «Ščyra rady, što maju mahčymaść čarhovy raz pierakanacca ŭ imknieńni turkmienskaha kiraŭnictva vyvieści naša ŭzajemadziejańnie na jakasna novy ŭzrovień. Heta poŭnaściu adpaviadaje i našym namieram», — padkreśliŭ kiraŭnik biełaruskaj dziaržavy.

U studzieni‑listapadzie 2009 hoda tavaraabarot pamiž Biełaruśsiu i Turkmienistanam skłaŭ amal $68 młn. i pavialičyŭsia ŭ paraŭnańni z anałahičnym pieryjadam 2008 hoda na 48 pracentaŭ. Ekspart uzros na 51,5 pracenta da $66,5 młn.‑

• 0
• 0
• 0
• 0
• 0
• 0
• 0
• 0