Ekśpierymient: Piaciora žurnalistaŭ hod buduć čytać naviny tolki praz sacyjalnyja sietki
Radyjožurnalisty z Kanady, Francyi, Bielhii i Šviejcaryi advažylisia na cikavy ekśpierymient.
Jany hod buduć žyć u sielskaj hłybincy ŭ Francyi, padtrymlivajučy suviaź z navakolnym śvietam tolki praz Twitter i Facebook,
kab vyśvietlić, ci buduć jany ŭ kursie padziej śvietu biez zvyčajnych kamunikacyj.
Padobny ekśpierymient ładziŭsia ŭ 2000‑m dziadźkam pad proźviščam DotComGuy. Tady jon płanavaŭ hod pražyć, nie vychodziačy z domu i kamunikujučy tolki praź Sieciva. Usio nieabchodnaje dla žyćcia jon zamaŭlaŭ praź interniet, ale zaduma nie zrealizavałasia — jakraz adbyŭsia krach «dotkomaŭ», i sponsary admovilisia ad prajekta.
U novym ekśpierymiencie žurnalisty chočuć vyśvietlić,
ci nasamreč sacyjalnyja sietki mohuć być adzinaj krynicaj infarmacyi pra padziei ŭ śviecie.
Na praciahu hodu piaciora žurnalistaŭ nie buduć naviedvać infarmacyjnyja sajty, a ŭsie naviny buduć čerpać tolki z Twitter i Facebook. Svaje ŭražańni ŭdzielniki ekśpierymientu abiacajuć vykładać u supolnym mikrabłohu.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary