Minkult pryznaŭ historyka-kulturnaj kaštoŭnaściu katalicki abrad «Try karali»
Biełaruskaja respublikanskaja navukova-mietadyčnaja rada pa pytańniach historyka-kulturnaj spadčyny 15 traŭnia pryniała rašeńnie ab nieabchodnaści nadańnia statusu historyka-kulturnaj kaštoŭnaści novym abjektam spadčyny. Jak paviedamiŭ Minkult, u śpis siarod inšaha ŭvajšoŭ tradycyjny abrad «Try karali», jaki katalickija vierniki pravodziać 6 studzienia ŭ Lidskim rajonie.
Abrad kaladavańnia, adrodžanaha ŭ Lidskim rajonie. Fota: t.me/minkultrb
Heta abrad kaladavańnia na katalickaje śviata Abjaŭleńnia Pana (Try karali) 6 studzienia. Rekanstrukcyju abradu ździejśnili ŭ 2016-2022 hadach na padstavie etnahrafičnych źviestak supracoŭniki Doma kultury ŭ vioscy Vavierka, piša Katolik.life.
Miascovyja staražyły — Taresa Jasiukajcis, Valdemar Aksinovič i Miečysłaŭ Trusiła — raskazali etnohrafam, što ŭ 1960-ja hady ŭ Vavierku pryjazdžali kaladoŭščyki ź Lidy, jakija chadzili pa vioscy mienavita na Try karali, a nie napiaredadni Božaha Naradžeńnia. U miascovaj katalickaj parafii padtrymali ideju adradzić abrad i prapanavali dapamohu ministrantaŭ, jakija viedajuć kaladki.
Z 2017 hoda rabotniki Doma kultury i miascovyja žychary pačali štohod pravodzić adnoŭleny abrad — z harmonikam i kaladnymi pieśniami chadzić pa vioscy ŭ vobrazie Troch karaloŭ — viestunoŭ, jakija prynieśli svaje dary novanarodžanamu Dziciatku Jezusu.
Paśla Lidskaha rajona anałahičny abrad pačali pravodzić taksama ŭ Iŭjeŭskim i Voranaŭskim. U Ministerstvie kultury adnieśli abrad da katehoryi «B», što aznačaje historyka-kulturnuju kaštoŭnaść, jakaja poŭnaściu abo častkova adnoŭlenaja na druhasnym materyjale ci abjektyŭna z časam moža źmianiacca.
Taksama ŭ śpis dadadzienyja ruiny kaścioła Uniebaŭziaćcia Najśviaciejšaj Panny Maryi 1796-1805 hadoŭ u vioscy Dubrava Maładziečanskaha rajona — z adniasieńniem da katehoryi «3» — historyka-kulturnaja kaštoŭnaść, jakaje maje značnaść dla asobnaha rehijona.
Trecim abjektam, jaki Ministerstva kultury pryznała vartym zaličeńnia da śpisu z adniasieńniem da toj ža katehoryi «Z» — budynak pa praśpiekcie Niezaležnaści, 27A u Minsku (u miežach histaryčnaha abjoma kanca XIX — pačatku XX stahodździaŭ).
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1
Kamientary