Mahutnuju načnuju DDoS-ataku padčas vybaraŭ u Kaardynacyjnuju radu paśpiachova adbili
«Ničoha strašnaha nie adbyłosia», — kaža Pavieł Libier.
Kiraŭnica Vybarčaj kamisii pa vybarach u KR Alena Prychodźka razam z Paŭłam Libieram raspaviali, čym skončyłasia mocnaja DDoS-ataka płatformy ŭ pieršuju hadzinu hałasavańnia.
Pa słovach Aleny Prychodźki, u pieršyja hadziny anłajn-hałasavańnia «prahałasavać» nibyta źbiralisia amal 18 miljonaŭ čałaviek.
«Ničoha strašnaha nie adbyłosia, ale pryjšłosia padkarektavać sistemu hałasavańnia, tamu jano pačałosia krychu paźniej», — dadaŭ Pavieł Libier.
Niahledziačy na sprobu złamać sistemu i zapusk sa spaźnieńniem za pieršyja 2 hadziny ličbavyja ID atrymali amal tysiača biełarusaŭ.
Hałasavańnie pavinna było skončycca ŭ 23:59 u paniadziełak, ale, mahčyma, z-za DDoS-ataki ataki jano budzie praciahnuta na paru hadzin.
«Ale heta vyrašać Vybarčaj kamisii», — dadaŭ Pavieł Libier.
Raniej łukašenkaŭcy raspačali kryminalnyja spravy pa ciažkich artykułach suprać usich da adnaho kandydataŭ u Kaardynacyjnuju radu.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary