Ułady Respubliki Sierbskaj chočuć pierajmienavać Srebranicu, kab paźbiehnuć napaminu pra hienacyd
U lipieni 1995 hoda sierbskija vajskoŭcy pad kamandavańniem Ratka Mładziča zabili tam bolš za vosiem tysiač baśnijskich musulman.
Ułady Respubliki Sierbskaj chočuć pierajmienavać Srebranicu, kab paźbiehnuć napaminu pra hienacyd, piša Bild.
U lipieni 1995 hoda sierbskija vajskoŭcy pad kamandavańniem hienierała Ratka Mładziča zabili ŭ Srebranicy bolš za vosiem tysiač baśnijskich musulman. Hetyja padziei ŭvajšli ŭ historyju jak raźnia ŭ Srebranicy, Mižnarodny trybunał pa byłoj Juhasłavii i Mižnarodny sud AAN pryznali ich aktam hienacydu. Parłamient Sierbii tolki ŭ 2010 hodzie asudziŭ raźniu, ale admoviŭsia pryznavać jaje hienacydam.
Ciapier miascovyja ŭłady chočuć pierajmienavać abščynu, kab pazbavicca ad niehatyŭnych asacyjacyj.
«Z-za ŭsioj chłuśni, jakaja raspaŭsiudžvajecca pra Srebranicu, našy ludzi vystupili ź inicyjatyvaj pierajmienavać municypalitet», — zajaviŭ Miłarad Dodzik, prezident Respubliki Sierbskaj, jakaja ŭvachodzić u skład Bośnii i Hiercahaviny.
Sierbski mer horada Mładen Hruičyč rastłumačyŭ, što reputacyja Srebranicy «zaplamlenaja», što adpužvaje turystaŭ i inviestaraŭ.
Na prapanovu ab pierajmienavańni abščyny adreahavali ŭ asacyjacyi «Maci ankłavaŭ Srebranicy i Žepy».
«Vy možacie źmianić nazvy haradoŭ, ale vy nie možacie schavać praŭdu ab Srebranicy», — zajavili tam.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary