Maskoŭski rajon stalicy atakujuć pacuki. Žychary biespaśpiachova skardziacca na ich
Žychary Malinaŭki praciahvajuć skardzicca kamunalnikam na hryzunoŭ. Haradžanie abmiarkoŭvajuć prablemu ŭ rajonnym čacie, publikujuć videa, piša «Minsk-Naviny».
«Jasienina, 16. Jak vam pamier pacukoŭ? Pierakanaŭča i ŭ jaki raz prosim pratrucić hryzunoŭ! Z padjezda strašna vyjści», — prakamientavała minčanka videa «bitvy» pacuka z katom uviečary 6 lipienia.
Miarkujučy pa fota, zroblenamu ranicaj 7 lipienia, žančyna ŭsio ž advažyłasia vyjści na vulicu. Tady jana znoŭ zaŭvažyła pacuka la padjezda.
Inšaja ŭdzielnica čata adznačyła, što kala doma № 11a na vuł. Jasienina amal takija ž hryzuny.
Jašče adnu žycharku stalicy ŭbačanaje nie źbiantežyła.
«Zvyčajny pacuk. Miarkujučy pa tym, jak spakojna jon išoŭ pa svaich spravach, heta jaho rajon», — napisała jana.
Vydańnie raniej pisała, što ŭ ŽKH Zavadskoha i Maskoŭskaha rajonaŭ pastupajuć skarhi na pacukoŭ.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku44
Kamientary