Sud u Iraku prysudziŭ udavu lidara Isłamskaj dziaržavy al-Bahdadzi da śmiarotnaha pakarańnia
Kryminalny sud Bahdada pryznaŭ jaje vinavataj u dapamahańni ekstremisckaj arhanizacyi i prymusovym utrymańni ŭ niavoli jazidskich žančyn.
Udava Abu Bakra al-Bahdadzi, lidara džychadysckaj hrupoŭki «Isłamskaja dziaržava» Um Chudajfa prysudžanaja da śmiarotnaha pakarańnia sudom u Iraku. U materyjałach suda jana fihuruje jak Asma Machamied, ale bolš viadomaja pad imiem Um Chudajfa, piša Bi-bi-si.
Kryminalny sud Bahdada pryznaŭ jaje vinavataj u dapamahańni ekstremisckaj arhanizacyi i prymusovym utrymańni ŭ niavoli jazidskich žančyn.
Advakat padsudnaj pakul nijak nie prakamientavaŭ śmiarotny prysud Um Chadajfie, i nie jasna, ci jość u abarony mahčymaść padać apielacyju.
U intervju, jakoje Um Chudajfa dała Bi-bi-si, znachodziačysia ŭ irakskaj turmie, jana pryznała, što letam 2014 hoda jaje muž pryvioŭ da ich u dom dzieviać jazidskich dziaŭčynak i žančyn, ale, pa jaje słovach, jana nie mieła nijakaha ŭpłyvu na ŭčynki muža.
Na piku źvierstvaŭ «Isłamskaj dziaržavy» ŭ Iraku ad ruk isłamistaŭ zahinuli tysiačy etničnych jazidaŭ, uklučajučy žančyn i dziaciej.
Niekalki achviar, jakija vyžyli ŭ rabstvie ID, śćviardžali, što Umm Chudajfa źjaŭlałasia saŭdzielnicaj pryhniotu jazidak.
«Jana była adkaznaja za ŭsio. Jana rabiła vybar — hetaja budzie słužyć joj, taja — jaje mužu, — raspaviała Bi-bi-si siastra adnoj z rabyń, jakich lidar ID pryvioŭ u svoj dom. — Jana — žonka złačyncy Abu Bakr Al-Bahdadzi, i jana takaja ž złačynca, jak i jon».
Za apošnija hady irakskija sudy vynieśli sotni śmiarotnych prysudaŭ i pažyćciovych terminaŭ mužčynam i žančynam, asudžanym za «členstva ŭ terarystyčnaj arhanizacyi».
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary