U vypadku pryznańnia vinavatym jamu pahražaje da 30 hadoŭ turmy.
U Paryžy aryštavali hramadzianina Rasii pa padazreńni ŭ padrychtoŭcy «dziejańniaŭ, jakija mohuć pryvieści da destabilizacyi» padčas Alimpijskich hulniaŭ, jakija adkryvajucca ŭ stalicy Francyi ŭ hetuju piatnicu, piša Rasijskaja słužba Radyjo Svaboda.
40-hadovy rasijanin (jaho imia nie nazyvajecca) byŭ zatrymany ŭ minułuju niadzielu supracoŭnikami Hałoŭnaha ŭpraŭleńnia ŭnutranaj biaśpieki MUS Francyi i źmieščany pad vartu.
U aŭtorak jamu było vystaŭlena abvinavačvańnie ŭ raźviedvalnaj dziejnaści ŭ intaresach zamiežnaj dziaržavy z metaj raspalvańnia varožaści ŭ Francyi. U vypadku pryznańnia vinavatym jamu pahražaje da 30 hadoŭ turmy.
Pavodle źviestak Le Parisien, Hałoŭnaje ŭpraŭleńnie ŭnutranaj biaśpieki MUS niekalki dzion sačyła za rasijaninam, a 21 lipienia jaho zatrymali. U jaho kvatery prajšli pieratrusy
Sa słoŭ krynicy vydańnia, blizkaha da śledstva, tam vyjavili «elemienty, jakija dazvalajuć vykazać zdahadku, što mužčyna rychtavaŭ prarasiejskuju apieracyju destabilizacyi ŭ Francyi padčas Alimpijskich hulniaŭ». Inšaja krynica zhadvaje «maštabny prajekt», nastupstvy jakoha mahli być»surjoznymi».
Jak piša AFP, ułady nie paviedamili nijakich padrabiaznaściaŭ mierkavanych «aktaŭ destabilizacyi», akramia taho, što jany nie nosiać terarystyčnaha charaktaru, i što śpiecyjalisty pa baraćbie z teraryzmam nie zajmajucca hetaj spravaj.
Ministr unutranych spraŭ Francyi Žerald Darmanien paviedamiŭ, što da Alimpijady nie dapuścili kala tysiačy čałaviek, jakija padazrajucca ŭ mahčymym umiašańni ŭ intaresach zamiežnaj dziaržavy. Pravaachoŭnyja orhany pravieryli adzin miljon vałancioraŭ, rabotnikaŭ i inšych asob, pryciahnutych da praviadzieńnia Hulniaŭ.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary