A vy viedajecie, što ŭ Minsku taksama prajšli Alimpijskija hulni? I navat zapalili alimpijski ahoń
Asnoŭnyja spabornictvy, biezumoŭna, prajšli ŭ 1980-m u Maskvie, ale niekatorym haradam SSSR taksama pašancavała. U Talinie adbyłasia vietrazievaja rehata, a ŭ Kijevie, Leninhradzie i Minsku zhulali niekatoryja futbolnyja matčy.
Da Alimpijady rychtavalisia doŭha. Abnavili haścinicy, pabudavali haścinicu «Płanieta», zrabili trasu M1 — tak zvanuju «alimpijku».
Na stadyjonie «Dynama», jaki staŭ centralnym abjektam Alimpijady-80 u stalicy Biełarusi, pastavili hihanckija mačty aśviatleńnia (u 2019-m ich zamianili novymi), zrabili tabło i nadbudavali druhi jarus trybun, davioŭšy kolkaść miescaŭ da 50 tysiač.
U Minsk alimpijski ahoń pryviezła čatyrochrazovaja alimpijskaja čempijonka (1972, 1976) Volha Korbut. Na Centralnaj płoščy (ciapier płošča Niezaležnaści) prajšoŭ uračysty mitynh, piša «Sputnik».
Na stadyjonie ahoń zapalvaŭ viadomy biełaruski barec Alaksandr Miadźviedź.
Isnuje bajka, što Miadźviedź paśla zapalvańnia vialikaha fakiełu apuściŭ svaju maleńkuju pachodniu ŭ śpiecyjalna pastaŭlenaje na hety vypadak viadro, i ahoń prapaliŭ jaho naskroź litaralna da bietonu trybun.
U Minsku hulali zbornyja Ałžyra, Iraka, Ispanii, Kosta-Ryki, Siryi, Finlandyi i Juhasłavii. Darečy, kupić kvitki na futbolnyja matčy ŭ kasach było praktyčna niemahčyma.
U nas prajšli matčy Ałžyr — Siryja (3:0), Ispanija — Siryja (0:0), Ispanija — Ałžyr (1:1), a taksama matčy zbornaj Juhasłavii ź Finlandyjaj (2:0), Kosta-Rykaj (3:2) i Iraka (1:1).
Taksama ŭ Minsku prajšoŭ čverćfinał Juhasłavija — Ałžyr (3:0).
Potym asnoŭnyja padziei pieranieślisia ŭ Maskvu.
Nahadajem, što častka krain bajkatavała tuju Alimpijadu, adnak niekatoryja krainy pasłali svaje delehacyi pad alimpijskim ściaham.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy15
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary