Źjaviŭsia novy mabilny dadatak dla znajomstvaŭ, stvorany biełarusami dla biełarusaŭ
7 žniŭnia 2024 vyjšaŭ u śviet novy mabilny dadatak pad nazvaj «Vit!», jaki dapamoža biełarusam znajomicca i stvarać suviazi, piša Budzma.org.
Dla kaho hety dadatak?
«Vit!» stvorany admysłova dla biełarusaŭ.
Žycharam dyjaspary jon moža dapamahčy paznajomicca z susiedziami-biełarusami, znajści siabroŭ dla dziciaci ci kampaniju dla sumiesnych aktyŭnaściaŭ (pakatacca na rovary, schadzić u hryby).
U Biełarusi z dapamohaj dadatku možna znajści kampańjonaŭ dla praktyki biełaruskaj movy. Taksama jość mapa ustanoŭ, dzie vas dakładna absłužać pa-biełarusku. Ź ciaham času mapa budzie pašyracca.
Taksama dastupnyja i ramantyčnyja znajomstvy.
Historyja stvareńnia
Ideja dadatku naradziłasia na pačatku 2024 hoda, kali ŭ ŚMI aktyŭna ŭzhadvałasia patreba ŭ «biełaruskim tyndary». Praca była pačataja ŭ siaredzinie krasavika 2024 hoda, i praz try z pałovaj miesiacy dadatak byŭ hatovy.
«Beta-testavańnie pravodziłasia jak siarod biełarusaŭ u Biełarusi, tak i siarod dyjaspary. My atrymali šmat vodhukaŭ i pažadańniaŭ, jakija byli ŭličanyja pry raspracoŭcy kančatkovaj viersii», — kažuć stvaralniki dadatku.
Asablivaści dadatku
- Interfejs całkam na biełaruskaj movie
- Biaspłatny dostup da ŭsich funkcyj
«Toje, što ŭ inšych ličycca premiŭmam, u Vit dastupna adrazu kožnamu», — zapeŭnivajuć raspracoŭščyki.
- Śpis i karta biełaruskamoŭnych ustanoŭ, jakaja ź ciaham času budzie pašyracca.
«Pavažanyja haspadary biełaruskamoŭnyŭ miescaŭ, tut moža być vaša rekłama», — zaprašajuć da supracy aŭtary dadatku.
Płany na budučyniu
Aŭtary dadatku hałoŭnaj zadačaj na bližejščy čas bačać nieabchodnaść nabrać peŭnuju kolkaść aŭdytoryi i źviartajucca da samych chutkich karystalnikaŭ, jakija zarehistrujucca pieršymi:
«Kali łaska, nie ździŭlajciesia napačatku pabačyć niešmatlikuju kolkaść ludziej sa svajho horada, prosta trošački pačakajcie. Taksama vy možacie paskoryć praces, kali raspaŭsiudzicie infarmacyju pra «Vit!» niepasredna ŭ svajoj łakacyi.
Što budzie dalej, u jakim kirunku budzie ruchacca prajekt — całkam zaležyć ad karystalnikaŭ. My budziem źbirać zvarotnuju suviaź i reahavać adpaviedna».
Jak padtrymać prajekt
Karystalniki, jakim dadatak pryniasie karyść, ci prosta spadabajecca ideja, mohuć adździačyć finansava.
Adnarazovy uniosak składaje ŭsiaho 1 jeŭra, a padpiska — 0.5 jeŭra.
Spampavać dadatak
Dla atrymańnia dadatkovaj infarmacyi i techničnaj padtrymki možna źviazacca z kamandaj praz telehram-bot techničnaj padtrymki.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary