Jašče adzin pasoł zachodniaj krainy zaviaršaje svaju misiju ŭ Biełarusi
Nadzvyčajny i Paŭnamocny Pasoł Złučanaha Karaleŭstva Vialikabrytanii i Paŭnočnaj Irłandyi Žaklin Pierkins sustrełasia sa staršynioj Pastajannaj kamisii vierchniaj pałaty pa mižnarodnych spravach i nacyjanalnaj biaśpiecy Savieta Respubliki, eks-kiraŭnikom MZS Siarhiejem Alejnikam z nahody zakančeńnia svajoj dypłamatyčnaj misii ŭ Biełarusi, paviedamiła pres-słužba Savieta Respubliki.
Pavodle aficyjnaha paviedamleńnia, «baki abmianialisia dumkami pra stan i pierśpiektyvy biełaruska-brytanskich adnosin».
Taksama padčas sustrečy nibyta «była akcentavanaja ŭvaha na nieabchodnaść deeskałacyi adnosin, pieraasensavańnia pracesaŭ, jakija adbyvajucca, i adnaŭleńnia ŭzajemapavažlivaha dyjałohu».
Žaklin Pierkins była pryznačanyja ambasadarkaj Vialikabrytanii ŭ Biełarusi ŭ 2019 hodzie, jašče da prezidenckich vybaraŭ 2020 hoda. Paśla vidavočnaj falsifikacyi vynikaŭ vybaraŭ i hvałtoŭnaha zadušeńnia režymam mirnych pratestaŭ zachodnija dypłamaty, ź vielmi niešmatlikimi vyklučeńniami, admaŭlajucca ŭručać davierčyja hramaty Alaksandru Łukašenku. Tamu paśla zakančeńnia terminu paŭnamoctvaŭ ambasadara, pryznačanaha jašče da tych padziej, uzrovień pradstaŭnictva zvyčajna źmianšajecca da časovaha pavieranaha ŭ spravach. Vidać, hetaha treba čakać i ŭ brytanskim vypadku.
Jahoraŭ patłumačyŭ, jak jon ujaŭlaje viartańnie pasłoŭ u Biełaruś u abmien na palitviaźniaŭ
Jahoraŭ prapanuje pryznać lehitymnaść Łukašenki, kali heta dazvolić vyzvalić palitviaźniaŭ
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika
Demsiły zładzili pryjom u Prazie z nahody 9 žniŭnia. Byŭ niezvyčajny hość — dypłamat sajuznaj Łukašenku krainy
Kamientary