Polšča buduje elektronny barjer na pamiežnaj ź Biełaruśsiu race Buh
Na polska-biełaruskaj miažy viaducca raboty pa budaŭnictvie elektronnaha barjera na pamiežnaj race Buh, paviedamiła pamiežnaja słužba Polščy. Barjer pavinien dapamahčy ŭ baraćbie z pamiežnaj złačynnaściu, nielehalnaj mihracyjaj i kantrabandaj, piša Biełsat.
«Praciahłaść elektronnaha barjera, jaki całkam znachodzicca ŭ zonie dziejańnia Nadbužanskaha adździeła Pamiežnaj słužby Polščy, na hetym učastku składzie kala 172 kiłamietraŭ. Jon budzie ŭklučać u siabie, u pryvatnaści, kala 1800 słupoŭ z kamierami, kala 4500 kamier dzionnaha i ciepłavizijnaha nazirańnia, a taksama śpiecyjalnyja datčyki dla vyjaŭleńnia roznych fizičnych asablivaściaŭ abjektaŭ», — piša pamiežnaja słužba Polščy.
Užo idzie rasčystka terytoryi ad dreŭ i kustoŭ, a zatym ustaloŭvajucca słupy dla kamier i mantujucca sistemy elektrazabieśpiačeńnia.
«Architektura i pryncyp pracy abarony zabiaśpiečać aŭtamatyzavanuju bieśpierapynnaść i efiektyŭnaść manitorynhu i achovy dziaržaŭnaj miažy, a taksama raspaznavańnie, identyfikacyju pahroz i asob, jakija ich učynili, zbor dokazaŭ i praviadzieńnie mierapryjemstvaŭ, nakiravanych mienavita na zatrymańnie parušalnikaŭ», — adznačaje pamiežnaja słužba Polščy.
Elektronny barjer sprajektavany takim čynam, što na ŭsioj jaho praciahłaści nie budzie ślapych zon.
Na budaŭnictva barjera adviedzieny hod i płanujecca vydatkavać bolš za 279 miljonaŭ złotych (kala $ 71 młn). Inviestycyi safinansujucca Jeŭrapiejskim Sajuzam.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy13
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1515
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?15
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary