Były viadučy «Zony Ch» raskazaŭ pra svoj samy vialiki zarobak: $6000 za miesiac
U novym vypusku TOKu były viadučy samaj papularnaj pieradačy biełaruskaha telebačańnia i były palitviazień Dźmitryj Łukša raskazaŭ pra svoj zarobak i sacyjalny pakiet na kanale.
Pa słovach Dźmitryja Łukšy, niahledziačy na toje, što pieradača «Zona Ch» była samaj rejtynhavaj, kamanda, jakaja jaje stvarała, nie adnosiła siabie da samych bahatych ludziej na telebačańni.
«My atrymlivali dobra, ale heta nie byli vialikija hrošy. My atrymlivali da tysiačy dołaraŭ. I heta kali ja ŭžo vioŭ pieradaču, byŭ reparcioram, kali stabilna rabiŭ siužet na vynikovuju pieradaču — jana była samaj apłatnaj)», — raskazvaje Łukša, jaki pracavaŭ na BT u 2010-2015 hadach.
U toj ža čas, pa słovach byłoha žurnalista BT, była mahčymaść zarabić bolš: «Chiba što samy vialiki svoj hanarar ja atrymaŭ, kali vioŭ «Zonu Ch», rabiŭ siužety na vynikovuju pieradaču i paralelna rabiŭ dakumientalnyja filmy. Tady ja za miesiac atrymaŭ kala dvuch ci troch tysiač dołaraŭ».
Ale samy vialiki hanarar, pra jaki zhadvaŭ Dźmitryj, u jaho skłaŭ $6000. «Ja ich atrymaŭ, kali palacieŭ u Rasiju, tam pałali pažary. Mianie i apieratara prosta adpravili tudy. I ja pavinien byŭ kožny dzień vydavać siužety. (…) Kali ja viarnuŭsia ŭ Minsk, mnie niejkija śpiecpremii vypisali ad kiraŭnictva».
Łukša zaŭvažaje, što rabić kožny dzień siužety ŭ Rasii było vielmi składana: «Tabie treba kožny dzień znajści navinu. (…) Davodziłasia spać amal što ŭ lesie».
Sacyjalny pakiet
Dźmitryj Łukša raskazvaje, što ŭ čas jaho pracy na BT nie było nijakaha sacyjalnaha pakietu:
«Nie było nijakaha sacpakietu. Pa mienšaj miery my ŭ našaj struktury — Ahienctvie telenavinaŭ, pra heta nie čuli. Čarhi na kvateru niama. Niejkich bonusaŭ niama. Sanatoryjaŭ niama»,
— kanstatuje Łukša i dadaje, što jany z hetaj nahody «nie aburalisia, bo nie viedali, što takoje pryniata, takoje pavinna być».
Jon zhadvaje, što supracoŭniki atrymlivali kvatery ŭ pieryjad, kali Biełteleradyjokampanijaj kiravaŭ Alaksandr Zimoŭski:
«Ja čuŭ, što heta było pry Zimoŭskim, kali jon byŭ kiraŭnikom BT (2005-2010 — NN). (…) Budavalisia damy. Betešnikam davali kvatery. Potym heta niejak chutka zharnułasia, i my kvater nie atrymlivali».
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
Były viadučy «Zony Ch» palitviazień Dźmitryj Łukša vyjšaŭ na svabodu pa pamiłavańni
«Usio było padrychtavana, ale nie paśpieŭ vyjechać ź Biełarusi». Raskazvajem pra eks-viadučaha BT Łukšu i jaho zatrymańnie KDB
Pa BT pakazali, jak žyvuć palityčnyja ŭ škłoŭskaj kałonii. Byłyja palitviaźni tłumačać, što heta nasamreč za korpus
Kamientary