Nie pivam adzinym

Siońnia nabyvajuć moc papraŭki ŭ Kodeks ab administracyjnych pravaparušeńniach.

Ciapier, zhodna z KoAP, raśpićcie ałkaholnych, słabaałkaholnych napojaŭ abo piva na vulicy, stadyjonie, u skviery, parku, hramadskim transparcie abo ŭ inšych hramadskich miescach, akramia miescaŭ, pryznačanych dla spažyvańnia takich napojaŭ, abo źjaŭleńnie ŭ hramadskim miescy ŭ pjanym vyhladzie, jaki abražaje čałaviečuju hodnaść i maralnaść, viaduć da nakładańnia štrafu

ŭ pamiery da 8 bazavych vieličyń (ciapier heta składaje 280 tys. rubloŭ).

Znachodžańnie na pracoŭnym miescy ŭ pracoŭny čas u stanie ałkaholnaha, narkatyčnaha abo taksimaničnaha apjanieńnia budzie karacca štrafam ad 1 da 10 bazavych vieličyń (da 350 tys.).

Štraf ad 2 da 15 bazavych vieličyń abo administracyjny aryšt praduhledžany za vyšejnazvanyja dziejańni, učynienyja paŭtorna na praciahu hoda.

Pryhatavańnie fizičnymi asobami mocnych ałkaholnych napojaŭ (samahonu), paŭfabrykataŭ dla ich vyrabu (brahi), a taksama zachoŭvańnie aparataŭ, jakija vykarystoŭvajucca dla ich vyrabu, budzie karacca papiaredžańniem abo nakładańniem štrafu ŭ pamiery da 5 bazavych vieličyń z kanfiskacyjaj napojaŭ, paŭfabrykataŭ i aparataŭ. Takija ž dziejańni, učynienyja paŭtorna na praciahu adnaho hoda paśla nakładańnia administracyjnaha spahnańnia za padobnyja parušeńni, abo vyrab abo zachoŭvańnie fizičnymi asobami mocnych ałkaholnych napojaŭ (samahonu) u abjomie bolš za 5 ł, paŭfabrykataŭ dla ich vyrabu (brahi) bolš za tryccać litraŭ viaduć da nakładańnia štrafu ad 5 da 30 bazavych vieličyń z kanfiskacyjaj napojaŭ, paŭfabrykataŭ i aparataŭ.

Adkaznaść dla pakupnikoŭ samahonu, za vyklučeńniem napojaŭ, prodaž jakich dazvoleny zakanadaŭstvam, a taksama nabyćcio paŭfabrykataŭ dla ich vyrabu (brahi) praduhledžana ŭ vyhladzie papiaredžańnia abo štrafu da 5 bazavych vieličyń z kanfiskacyjaj napojaŭ.

Šerah źmianieńniaŭ, uniesienych u KoAP, tyčacca pakarańniaŭ za parušeńnie Praviłaŭ darožnaha ruchu.

U pryvatnaści, z 23 lutaha 2010 hoda piešachody, asoby, jakija kirujuć viełasipiedam, hužavym transpartnym srodkam, za parušeńnie PDR mohuć być pryciahnuty da

adkaznaści ŭ vyhladzie štrafu ŭ pamiery ad 1 da 3 bazavych vieličyń (raniej štraf składaŭ 0,5 bazavych vieličyń da 105 tys.),

u tym liku heta tyčycca pieramiaščeńnia ŭ ciomny čas sutak bieź flikiera.

Za parušeńnie PDR u niećviarozym stanie inśpiektary DAI paśla 23 lutaha zmohuć nakładvać na piešachodaŭ jašče bolš žorstkija spahnańni (ad 3 da 5 bazavych vieličyń). Taki ž štraf budzie vypisvacca i za admovu ad ahladu.

Za kiravańnie transpartnym srodkam ŭ stanie ałkaholnaha apjanieńnia KoAP ustanaŭlivaje štraf ad 15 da 30 bazavych vieličyń z adnačasovym pazbaŭleńniem vadzicielskaha paśviedčańnia na try hady. Za kiravańnie transpartnym srodkam asobaj, jakaja pazbaŭlena vadzicielskaha paśviedčańnia abo jakaja jaho nie maje, praduhledžvajecca štraf ad 25 da 45 bazavych vieličyń.

Štraf ad 15 da 35 bazavych vieličyń z pazbaŭleńniem vadzicielskaha paśviedčańnia na termin da dvuch hadoŭ budzie pahražać vadzicielam, jakija źnikli ź miesca DTZ i byli paźniej zatrymany ŭ stanie ałkaholnaha apjanieńnia abo jakija admovilisia ad prachodžańnia ahladu. Zaraz takija ludzi mohuć častkova paźbiehnuć adkaznaści, kali kažuć, što vypili ŭžo doma, zdymajučy stres, i milicyi praktyčna niemahčyma dakazać advarotnaje.

Z 23 lutaha nabyvajuć moc taksama papraŭki ŭ Kryminalny kodeks.

Adna ź ich robić bolš žorstkaj adkaznaść za kiravańnie transpartam u stanie ałkaholnaha apjanieńnia. Ciapier kiroŭcy, užo sudzimyja za anałahičnaje złačynstva, mohuć karacca «pazbaŭleńniem prava zajmać peŭnyja pasady abo zajmacca peŭnaj dziejnaściu sa štrafam u pamiery ad 300 da 1.000 bazavych vieličyń, abo papraŭčymi rabotami na termin ad adnaho hoda da dvuch hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu, abo aryštam na termin da 6 miesiacaŭ z pazbaŭleńniem prava zajmać peŭnyja pasady abo zajmacca peŭnaj dziejnaściu, abo abmiežavańniem voli na termin da 2 hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu, abo pazbaŭleńniem voli na toj ža termin z pazbaŭleńniem prava zajmać peŭnyja pasady abo zajmacca peŭnaj dziejnaściu».

• 0
• 0
• 0
• 0
• 0
• 0
• 0
• 0