Vyjšaŭ pierakład dramy Juljuša Słavackaha «Mindoŭh, karol litoŭski»
1. Viartańnie Słavackaha
To los, ź im i Mindoŭhu bicca niebiaśpiečna... Pieršy raz za 50 hadoŭ asobnaj knihaj u pierakładzie na biełaruskuju vyjšaŭ tvor vybitnaha polskaha paeta Juljuša Słavackaha — dramatyčnaja paema «Mindoŭh, karol litoŭski».
«U hetaj dramie spałučajecca ramantyzm ź sientymientalizmam, — kaža pierakładčyk paemy Sierž Minskievič, viadomy pa abiełarušvańni Mickievičavaj paemy «Dziady». — Heta, moža, rańniaja i nie samaja paśpiachovaja paema 20-hadovaha Słavackaha, ale ŭ joj pa niekatorych mocna prapisanych vobrazach — jak vobraz maci Mindoŭha, Rahniedy, — užo ŭhadvajecca budučy kłasik».
U centry histaryčnaj dramy — karanacyja pieršaha vialikaha kniazia litoŭskaha Mindoŭha i jaho zabojstva zmoŭnikami, kniaziami Traniatam i Daŭmontam. Miesca dziejańnia — Navahrudski zamak.
2. Mickievič vs. Słavacki
«Možna śćviardžać, što Słavacki źviedaŭ našu ziamlu, — kaža daśledčyk daŭniaha pobytu biełarusaŭ, historyk i litaraturaznaŭca Adam Maldzis. — Pa-pieršaje, jon jeździŭ na vakacyi na rodnuju Vałyń ź Vilni, dzie vučyŭsia, praź Pinsk. A na Ašmianščynie dyk naahuł časta haściavaŭ na siadzibie ŭniviersiteckaha rektara Jana Śniadeckaha».
Alaksandr Fiaduta, aŭtar litaraturaznaŭčaj knihi «Piśma prošiedšieho vriemieni. Matieriały k istorii litieratury i litieraturnaha byta Rośsijskoj impierii» ličyć, što blizkim biełaruskamu čytaču Cłavacki musić stacca nie stolki suviaziami z našaj ziamlu, kolki ducham niepakory.
«Mickievič — sapraŭdny biełarus, jon čałaviek rozdumu, čałaviek, u jakoha raźvitaja padśviadomaść, a ŭ adroźnieńni ad jaho Słavacki — paet učynku, — kaža A.Fiaduta. — Jon zaŭsiody prymušaje svaich hierojaŭ vyrašać, dziejničać. Pa-druhoje, u historyi polskaj litaratury Słavacki — ci nie pieršy paet paśla Mickieviča, jaki razumieŭ svaju niepadobnaść da kłasika, nie padpaŭ pad siły pryciahnieńnia Mickievičavaj paezii i śćvierdziŭ svaju paetyčnuju admietnaść».
Svojeasablivymi ilustracyjami da pierakładu paemy «Mindoŭh, karol litoŭski» zrabilisia kopii rarytetnych paštovak ca zboru minskaha kalekcyjaniera Uładzimira Lichadziedava, na jakich vyjaŭlenyja rodnyja i lubyja sercu Słavackaha miaściny. Vilnia, Navahradak, Varšava, Kramianiec.
Darečy, paštoŭki možna pabačyć u muziej historyi Vialikaj Ajčynnaj (pr. Niezaležnaści 25A) na vystava, pryśviečanaj Juljušu Słavackamu. Vystava adkrytaja dla naviedvańnia da 1 sakavika 2010 h.
Juljuš Słavacki (1809-1849)—adzin z najvialikšych polskich paetaŭ epochi ramantyzmu. Naradziŭsia ŭ Kramiancy va Ukrainie. Vučyŭsia ŭ Vilenskim univiersitecie. Paśla zdušeńnia paŭstańnia 1831 byŭ vymušany vyjechać u Łondan. Padarožničaŭ pa Jeŭropie i Azii. Mienavita na vyhnańni pačaŭ surjozna zajmacca litaraturnaj dziejnaściu. Pamior u 1849 ad suchotaŭ u Paryžy. U 1927 pierapachavany ŭradam Piłsudskaha ŭ Krakavie ŭ Vavielskim sabory, pobač z sarhafaham Adama Mickieviča.
Uładzimir Lichadziedaŭ. Juljuš Słavacki na paštoŭkach kanca XIX — pačatku XX stahodździaŭ.
Juljuš Słavacki. Mindoŭh, karol litoŭski. Histaryčnyja karcina ŭ piaci dziejach. Pierakład Sierža Minskieviča. — Minsk: "Technałohija", 2009. - 142s. 1000 as.
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
-
Dziaŭčyna stvaraje miłyja VIDEA ź biełaruskich haradoŭ u styli hulni The Sims
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary