Vydaleńnie prastaty nie ŭpłyvaje na ahulnuju žyćciadziejnaść arhanizmu.
Daktary nazyvajuć termin adenoma prastaty trochi sastarełym. Ciapier čaściej užyvajecca aznačeńnie dabrajakasnaja hipierpłazija prastaty. Što heta takoje? U prastacie, čysta mužčynskaj załozie, utvarajecca vuzielčyk ci vuzielčyki, jakija rastuć i pacichu-pamału zdušvajuć močapravodny kanał. U vyniku zdušvańnia parušajecca sikańnie, pryčym časam mocna.
Što značyć dabrajakasnaja hipierpłazija? H.zn. jana nie daje mietastazaŭ. U hetym karennaja roźnica z rakam prastaty.
Jak časta sustrakajecca adenoma? Vielmi časta. Pavodle statystyki, da daktaroŭ ź joj źviartajecca pałova mužčynaŭ, starejšych za 50 hadoŭ. A ŭvohule z časam jana raźvivajecca ŭ 85 % mužčynaŭ.
Na jaje ŭpłyvaje hienietyka. Da faktaraŭ ryzyki adnosiać viek i ŭzrovień andrahienaŭ u kryvi. Dastaviernaj suviazi miž hipierpłazijaj prastaty i połavaj aktyŭnaściu nie vyjaŭlena, jak i ź pieraniesienymi zapalenčymi i vienieryčnymi chvarobami połavych orhanaŭ.
Vydaleńnie prastaty nie ŭpłyvaje na ahulnuju žyćciadziejnaść arhanizmu. Prastata kaniečnie nieabchodnaja tolki dla zachavańnia zdolnaści da praciahu rodu.
Rak prastaty — niebiaśpiečnaja chvaroba, jakaja sustrakajecca ŭ 2—4% mužčynaŭ. Na rańnich stadyjach dobra vylečvajecca. Užyvajecca radykalny mietad lačeńnia: vydalajecca prastata i ažyćciaŭlajecca kastracyja.Pry vyjaŭleńni raka na rańnich stadyjach pacyjent moža pražyć navat dziesiatki hadoŭ paśla apieracyi.
Pry źjaŭleńni simptomaŭ urałahičnaha zachvorvańnia — balučaści, uskładnienaści sikańnia, pokličaŭ da sikańnia ŭnačy, kali raniej takoha nie byvała — daktary prosiać nieadkładna źviartacca da ich.
Ciapier čytajuć
Jakija retranślatary na miažy maje na ŭvazie Ukraina?17
Kamientary