Prypyniła pracu najbujniejšaja na Bieraściejščynie škoła zamiežnych moŭ, jaje ofis apiačatali
Vučniam i ich baćkam paviedamili ab admienie zaniatkaŭ, pry hetym pryčynu nie paviedamili, piša «Pozirk» sa spasyłkaj na krynicy.
U Breście prypyniła pracu najbujniejšaja ŭ rehijonie škoła zamiežnych moŭ «AKC Most».
Studentam kursaŭ i ich baćkam ab admienie zaniatkaŭ i prypynieńni dziejnaści škoły paviedamili ŭ hrupavych čatach. Pry hetym pra pryčyny kazać nie stali.
13 listapada ofis «AKC Most» byŭ apiačatany. Ni na sajcie, ni ŭ sacyjalnych sietkach ustanovy niama infarmacyi ab spynieńni pracy.
«AKC Most» byŭ zarehistravany ŭ 2006 hodzie. Na sajcie škoły adznačajecca, što jana stała «pieršym u rehijonie kamiercyjnym centram prafiesijnaha navučańnia polskaj movie».
U škole taksama navučajuć anhlijskaj, psichałohii, rychtujuć da CT i pastupleńnia va ŭniviersitety.
Navučańnie ŭ škole prajšło bolš za 18 tysiač čałaviek.
U Minsku raniej paśla vizitu aficeraŭ DFR prypyniŭ pracu adzin z najbujniejšych u krainie centraŭ vyvučeńnia zamiežnych moŭ — Streamline. Taksama zakrylisia bujnyja kursy «Lidar».
Znajomaja ź situacyjaj krynica «Našaj Nivy» vykazvała mierkavańnie, što takim čynam ułady sprabujuć pieraškadžać adjezdu biełarusaŭ za miažu.
«Z anhielskaj zmahacca asablivaha sensu niama. Bo kudy čałaviek pajedzie z adnoj anhielskaj? U ZŠA ci Vialikabrytaniju? Dyk jašče pasprabuj atrymaj tudy vizu. A voś Polšča ci Niamieččyna — całkam realnyja varyjanty», — kazaŭ surazmoŭca.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary