Pra pieršy ŭdar pa Rasii brytanskimi dalnabojnymi rakietami piša ahienctva Bloomberg sa spasyłkaj na ananimnaha zachodniaha čynoŭnika. Da hetaha pra pieršy zapusk Storm Shadow pa rasijskaj terytoryi paviedamili rasijskija Z-kanały.
Surazmoŭca Bloomberg skazaŭ, što Vialikabrytanija dazvoliła Ukrainie vykarystoŭvać Storm Shadow u adkaz na «razhortvańnie Rasijaj paŭnočnakarejskich vojskaŭ» u bajavych dziejańniach. Łondan uspryniaŭ hety krok Maskvy jak eskałacyju, adznačyła krynica.
Pa infarmacyi rasijskich Z-błohieraŭ, ukrainskija vojski vypuścili pa Rasii ad 10 da 12 rakiet, udar byŭ naniesieny pa pasiołku Marjina ŭ Rylskim rajonie Kurskaj vobłaści.
Z-kanał «Dva majora» navat pakazaŭ frahmienty rakiet Storm Shadow, jakija nibyta ŭdaryli pa Marjinie. A telehram-kanał terytaryjalnaha apałčeńnia horada Rylska paviedamiŭ, što ŭ pasiołku paškodžany cyvilnyja aŭtamabili, infarmacyi pra paciarpiełych nie padajecca.
Telehram-kanał «Rybaŕ» siońnia pisaŭ, što abłomki Storm Shadow nibyta byli vyjaŭlenyja ŭ Kurskaj vobłaści, a jašče dźvie brytanskija rakiety byli źbityja na padlocie da Jejska ŭ Krasnadarskim krai. Minabarony Rasii nie kamientavała hetuju infarmacyju
Siońnia dniom hubiernatar Kurskaj vobłaści paviedamlaŭ, što nad rehijonam źbili dźvie rakiety. Typ rakiet jon nie ŭdakładniaŭ.
Pavodle źviestak brytanskaj haziety The Times, Łondan dazvoliŭ Kijevu atakavać mižnarodna pryznanuju terytoryju Rasiei dalnabojnymi rakietami Storm Shadow paśla taho, jak ZŠA dali anałahičny dazvoł na ŭžyvańnie ATACMS.
U ofisie premjer-ministra Vialikabrytanii zajavili, što nie kamientujuć paviedamleńni pra mahčymaje vykarystańnie Storm Shadow suprać celaŭ na rasijskaj terytoryi.
Krynica ŭ Pientahonie raskazała pra vyniki ŭkrainskaj ataki ATACMS pa Branskaj vobłaści
Zialenski: Ciapier u nas jość ATACMS. My ŭsio heta budziem vykarystoŭvać
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Pazicyja Šolca pa pastaŭkach Ukrainie dalnabojnych rakiet Taurus zastajecca niaźmiennaj
Le Figaro vydaliła infarmacyju, što Francyja i Vialikabrytanija dazvolili Ukrainie bić dalnabojnymi rakietami
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary
Jedinie łohičnie pojaśnieńnia vitrati dovoli značnoji kilkosti Storm Shadow / SCALP po takomu objektu - cie najavnisť tam komanduvańnia uhrupuvańnia armiji RF u Kurśkij obłasti razom ź pivničnokoriejśkimi hienierałami, - DEFENSE EXPRESS
Bo vidieo źniato poriad ź istoričnoju budivleju majetka Bariatinśkich, jakij narazi je sanatorijem, ŝo znachodiťsia u poriadkuvańni Upravlińnia spravami priezidienta RF. Vodnočas objekt, jakij uražajeťsia, u joho schidnij častini i fihuruje informacija, ŝo tam vijśkovij objekt tipu "vuzoł zvjazku".