Paradujcie siabie smakam bruśničnaha čyzkiejka — desiertu, u jakim sałodkaść bruśničnaha džemu idealna spałučajecca z nasyčanaściu śmietankovaha syru.
Bruśničny džem možna kupić, a možna zvaryć samim:
- 500 h zamarožanych bruśnic
- 175 mł vady
- 1,5 st. ł. kukuruznaha kruchmału
- cukar pa smaku
- karyca (pry žadańni)
- 35 mł čyrvonaha vina (pry žadańni)
Daviadzicie bruśnicy i vadu da kipieńnia. Dadajcie cukar i karycu. Dajcie sumiesi pakipieć 3 chviliny. Źnimicie kastrulu z ahniu i razamnicie bruśnicy. Viarnicie kastrulu na ahoń i dadajcie čyrvonaje vino. Daviadzicie da kipieńnia, zatym pamienšycie ahoń da siaredniaha. Pieramiašajcie kukuruzny kruchmał ź nievialikaj kolkaściu vady i dadajcie jaho ŭ vareńnie. Praciahvajcie pamiešvać, pakul jano znoŭ nie zakipić. Pieralicie vareńnie ŭ słoik.
Dla čyzkiejka:
- 200 h piečyva
- 80 h masła
- 500 h śmietankovaha syru
- 200 mł tłustych viarškoŭ
- 100 h cukrovaj pudry
- 10 h žełacinu ŭ płaścinach
- 240 mł bruśničnaha vareńnia
Zdrabnicie piečyva i rastapicie i prysalicie masła. U vialikaj miscy źmiašajcie ich. Zmažcie masłam razdymnuju formu dyjamietram 23 sm. Vykładzicie sumieś ź piečyva i masła ŭ formu i nienadoŭha pastaŭcie ŭ chaładzilnik.
U asobnaj miscy ŭźbicie śmietankovy syr, viarški i cukrovuju pudru. Zamačycie listy žełacinu ŭ chałodnaj vadzie na 5 chvilin. Paśla źlicie vadu i dadajcie dźvie-try stałovyja łyžki haračaj vady, pieramiešvajcie da poŭnaha rastvareńnia. Źmiašajcie žełacin z bruśničnym vareńniem, vylicie ŭ sumieś śmietankovaha syru i znoŭ pieramiašajcie.
Vylicie sumieś u formu i raŭnamierna raźmiarkujcie. Pastaŭcie čyzkiejk u chaładzilnik i dajcie jamu astyć nie mienš za 5 hadzin.
Dekarujcie dadatkovym bruśničnym vareńniem i atrymlivajcie asałodu!
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary