Dyrektar dziaržaŭnaha pradpryjemstva kazaŭ, što praściej za ŭsio pracavać pa zakonie. Ciapier jaho sudziać za chabar
Rusłan Michalevič uznačalvaŭ «Bieł NDC «Ekałohija», jakoje ŭvachodzić u strukturu Ministerstva pryrodnych resursaŭ.
Rusłan Michalevič advučyŭsia ŭ BDU na hieaekołaha. Paśla pracavaŭ u Ministerstvie pryrodnych resursaŭ i achovy navakolnaha asiarodździa, uznačaliŭ adno ź jaho ŭpraŭleńniaŭ. A z 2018 staŭ dyrektaram dziaržaŭnaha pradpryjemstva «Bieł NDC «Ekałohija».
Pradpryjemstva pravodzić daśledavańni ŭ halinie achovy navakolnaha asiarodździa i pryrodakarystańnia. Taksama jano adkazvaje za infarmacyjnyja resursy, jakija naležać Minpryrody.
Hod tamu Michalevič davaŭ vialikaje intervju časopisu «Dieło». Tam jon raspaviadaŭ, što kampanija šmat pracuje ź biznesam, źjaŭlajecca «na 100% kamiercyjnaj» i nie maje finansavańnia ad dziaržavy.
«Da nas dobraachvotna źviartajucca biznesoŭcy dla raspracoŭki, padrychtoŭki i afarmleńnia dakumientacyi, usie hetyja pracedury my pravodzim płatna <…> My harantujem, što ŭsio budzie dobrasumlenna. Kali ty nie śpiecyjalist, to lepš patracić bolej, ale atrymać maksimalna karysnuju infarmacyju ŭ śfiery. My pakazvajem, što praściej za ŭsio pracavać pa zakonie», — śćviardžaŭ tady Michalevič.
Sud nad im pačniecca 8 studzienia 2025 hoda ŭ sudzie Leninskaha rajona Minska. Michaleviča vinavaciać pa samaj ciažkaj častcy artykuła «atrymańnie chabaru» (č. 3 art. 430). Jamu pahražaje da 15 hadoŭ kałonii z bujnym štrafam.
«Naša Niva» — bastyjon biełaruščyny
PADTRYMAĆCiapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Smotriš Ivana Ejsmonta v «Vriemia vybrało nas», kotoryj s piervych žie sierij zajavił, čto pośle prichoda k vłasti Łukašienko s banditami i korrupcijej było pokončieno, potom otkryvaješ NN i vidiš, čto razmach takoj, čto Hajdukieviču v OBEP i samomu Vanie i nie śniłoś vo vriemia jeho korotkoj słužby v Upravlenii po boŕbie s ekonomičieskimi priestuplenijami v stratiehičieskich napravlenijach.