Jeŭradeputaty vykazalisia za ŭviadzieńnie ekanamičnych sankcyj suprać Biełarusi
ŭ vypadku admovy aficyjnaha Minska ad demakratyčnych pieraŭtvareńniaŭ.
Jeŭradeputaty vykazalisia za ŭviadzieńnie ekanamičnych sankcyj suprać Biełarusi ŭ vypadku admovy aficyjnaha Minska ad demakratyčnych pieraŭtvareńniaŭ. Hetaje rašeńnie było pryniataje pa vynikach vizitu delehacyi Jeŭraparłamienta ŭ Minsk.
Jeŭradeputaty patrabujuć, kab ułady ŭ Minsku pryznali Sajuz palakaŭ Biełarusi pad kiraŭnictvam Anžaliki Borys, zhadzilisia na dziejnaść arhanizacyjaŭ, jakija abaraniajuć pravy čałavieka, dy vyzvalili ŭsich palityčnych viaźniaŭ. Aprača taho, jany patrabujuć, kab aficyjnyja ŭłady harantavali zakonny chod vybaraŭ u miascovyja ŭłady.
Kiraŭnik hrupy Jeŭraparłamienta pa spravach Biełarusi Jacak Pratasievič ličyć, što lubaja dapamoha, jak ekanamičnaja, tak i finansavaja pavinna być uzaležnienaja ad vykanańnia Minskam zhadanych patrabavańniaŭ.
— Na kaniec, kali biełaruskich uładaŭ nie možna pierakanać arhumientami, mahčyma, treba budzie vykarystać kančatkovy instrumient u vyhladzie sankcyj.
Najbolš balučymi byli b ekanamičnyja abmiežavańni, bo biełaruskamu ŭradu treba hrošy.
Biełarusy zacikaŭlenyja ŭ novych kredytach ci ŭ eksparcie małočnych praduktaŭ. Jany taksama majuć svaje intaresy na Zachadzie, — zajaviŭ Jacak Pratasievič.
Da hetaj pary jeŭrapiejskaja supolnaść ustrymlivałasia z rašeńniem nakont prymianieńnia sankcyj, pajaśniajučy, što jany pierš za ŭsio zakranuć hramadstva, a nie biełaruskija ŭłady. Tamu pakul
havorka idzie vyklučna pra mahčymaje ŭviadzieńnie dypłamatyčnych sankcyjaŭ, u pryvatnaści, zabarony na ŭjezd na terytoryju supolnaści pradstaŭnikam režymu Łukašenki.
U svaju čarhu prajekt rapartu, jaki byŭ ahučany 4 sakavika, pavinien być pryniaty na budučym tydni liderami najbujniejšych palityčnych frakcyj Jeŭraparłamienta, a paźniej stać padstavaj dla padrychtoŭki rezalucyi.
Ciapier čytajuć
Hety biełarus daśleduje rak — voś što jon kaža pra SPF ad miełanomy, navukovy prahres i samy składany ŭ lačeńni rak3
Kamientary