Śledčyja zmahli znajści zabojcu mytnika, cieła jakoha znajšli ŭ Homieli ŭ 2002 hodzie
14 krasavika 2002 hoda ŭ rajonie puciepravoda, jaki tady budavaŭsia, na homielskaj vulicy Chatajeviča. znajšli cieła supracoŭnika homielskaj mytni. Tady znajści zabojcu nie ŭdałosia, ale spravu tak prosta nie pakinuli. Praz 20 hadoŭ, vyvučajučy materyjały pa zabojstvie, śledčyja vyjavili suviaź złačynstva 2002 hoda z dvuma zabojstvami žycharak Homiela ŭ 1997-m, piša BiełTA.
Kryminalnyja spravy adnavili viasnoj 2024-ha. Za čas śledstva praviali bolš za dźvieście dopytaŭ udzielnikaŭ pracesu, vočnyja staŭki, bolš za dvaccać vymańnia dakumientaŭ i pieratrusaŭ. Akramia taho, praviali zvyš siamidziesiaci roznych ekśpiertyz.
Homielskija śledčyja pracavali amal pa ŭsioj krainie. U vyniku im udałosia vyjści na hramadzianina Armienii i vystavić jamu abvinavačvańni. Pry hetym byli sabranyja nieabvieržnyja dokazy taho, što mienavita jon zabiŭ mytnika.
Akramia taho, armianina i jahonaha znajomaha z Homiela abvinavacili ŭ zhvałtavańni i zabojstvie 19-hadovaj dziaŭčyny, kradziažy jaje majomaści, a taksama razbojnym napadzie na sastarełuju hamialčanku i jaje zabojstvie. Heta tyja samyja złačynstvy z 1997 hoda.
Taksama śledčyja zmahli dakazać dačynieńnie hamielčuka da ździajśnieńnia šerahu raspusnych dziejańniaŭ u dačynieńni da niepaŭnaletniaha i małaletnich, vyrabu i raspaŭsiudžvańniu parnahrafičnych materyjałaŭ.
Minskaha kryminalnaha aŭtaryteta padazrajuć u zabojstvie 27-hadovaj daŭniny i piedafilii. I navat troški ŭ palitycy
U Viciebsku raskryli dvajnoje zabojstva valutčykaŭ 25-hadovaj daŭniny
U Mahilovie raskryli zabojstva 24-hadovaj daŭniny. Fihurantam pahražaje śmiarotnaje pakarańnie
U Połacku raskryli zabojstva, ździejśnienaje ŭ 2001 hodzie. Dapamoh niedakurak
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary