Biełaruska aformiła na siabie kredyt dla siabroŭki, a taja admoviłasia davać hrošy. Što adkazali ŭ sudzie?
Žycharka Žytkavickaha rajona źviarnułasia ŭ sud ź niezvyčajnaj prablemaj. Siabroŭka, dla jakoj jana aformiła kredyt, admoviłasia płacić pa im rachunki. Pra zdareńnie raspaviali ŭ pres-słužbie Hienieralnaj prakuratury.
U 2021 hodzie biełaruska pracavała aharodnikam i žyła ŭ internacie ŭ ahraharadku Uryckaje. U internacie jana paznajomiłasia z žančynaj i pačała dapamahać joj z dohladam za dvuma maleńkimi dziećmi.
U listapadzie taho ž hoda novaja siabroŭka źviarnułasia da jaje z prośbaj uziać dla jaje kredyt u banku. Sama žančyna hetaha zrabić nie mahła, bo mieła na svaim rachunku ŭžo dva inšych kredyty.
Aharodnica ŭziała kredyt na 7 hod pamieram 3700 rubloŭ i pieradała hrošy znajomaj. Pa vusnaj damoŭlenaści taja pavinna była samastojna štomiesiac unosić hrošy na kredytny rachunak.
U žniŭni 2022 hoda vyśvietliłasia, što siabroŭka nie płaciła abaviazkovyja sumy za kredyt. Aharodnicy pryjšło paviedamleńnie ad banka ab tym, što apłaty praterminavany.
Susiedka admoviłasia płacić hrošy za kredyt, jaki prasiła aformić dla siabie. Tady aharodnica samastojna ŭniesła hrošy ŭ bank: asnoŭny doŭh, pracenty i niaŭstojku. Ahułam — kala 4,7 tysiač rubloŭ.
Na toj čas paciarpiełaja ŭžo była ciažarnaj i nie mieła muža. U ciažkaj situacyi jana źviarnułasia da prakuratury, dzie suprać jaje byłoj siabroŭki ŭzbudzili spravu ab niezakonnym uzbahačeńni i pracentach za karystańnie čužymi hrašyma.
Sud Savieckaha rajona Homiela hety isk zadavoliŭ. Akramia asnoŭnaj sumy, z byłoj siabroŭki ŭziali dziaržaŭnuju pošlinu ŭ pamiery 230 rubloŭ.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary