Vysokija pasady ŭ atačeńni premjer‑ministra federalnaj ziamli Brandenburh Macijasa Platceka zajmali rasiejskija špijony.
Niamieckija ŚMI nie vyklučajuć, što vysokija pasady ŭ atačeńni premjer‑ministra federalnaj ziamli Brandenburh Macijasa Platceka, zajmali rasiejskija špijony. U dziaržaŭnaj ziamielnaj kancylaryi ŭ Patsdamie nijak nie kamentujuć skandalnych publikacyjaŭ.
Jak paviedamlajuć niamieckija ŚMI, sam Macijas Platcek, jaki dobra viadomy ŭ Biełarusi ŭ suviazi ź nieadnarazovymi vizytami ŭ Miensk na čale vysokich uradavych delehacyjaŭ z Brandenburhu, syšoŭ u adpačynak. Pavodle infarmacyjnych krynicaŭ, jon choć i nie naležyć da liku padazravanych u špijanažy, adnak znachodzicca pad ciažkim hniotam hetaj sytuacyi.
Darečy, heta nia pieršy vypadak, kali kolišnija Saviety padstavili adkaznaha brandenburskaha čynoŭnika. Piać hadoŭ tamu rasiejskaja ambasada ŭ Berlinie ŭznaharodziła Macijasa Platceka hanarovym vaśmikutnym ordenam «Piotr Vialiki». Adnak nieŭzabavie radaść funkcyjanera była azmročanaja hučnaj publikacyjaj u Berliner Morgenpost. Paviedamlałasia, što za arhanizacyjaj, jakaja ŭšanoŭvaje takimi ŭznaharodami, stajać rasiejskija specsłužby. Sa spasyłkaj na krynicy ŭ niamieckaj vyviedcy paviedamlałasia, što praz stvoranuju ŭ 1999 hodzie pavodle inicyjatyvy Uładzimira Pucina Maskoŭskuju akademiju, na terytoryi Niamieččyny pačała dziejničać sapraŭdnaja rasiejskaja špijonskaja sietka, da jakoj byli dałučanyja kolišnija ahienty Štazi.
Što da ciapierašniaha skandału, źviazanaha z rasiejskim špijonskim śledam niepasredna ŭ aparacie Płatceka, to padstavaj dla jaho, pavodle niamieckich medyjaŭ, stała spravazdača ziamielnaha ŭpraŭleńnia pa kryminalnych spravach u Patsdamie. Ź jaje, u pryvatnaści, vynikała, što paru hadoŭ tamu ŭnutranaja federalnaja vyviedka (viedamstva pa achovie kanstytucyi) dapytała ŭ hateli berlinskaha aeraportu Tehiel dvuch ukaranionych u niamiecki kamisaryjat pa baraćbie z arhanizavanaj złačynnaściu śledčych ź Biełarusi i Rasiei. U časie dopytu biełarus i rasiejec pryznalisia, što źjaŭlajucca aficerami rasiejskaha HRU. Ahienty pahadzilisia pracavać sa śledztvam i nibyta vydali adpaviednuju infarmacyju. Ale ŭsie detali, jakija tyčylisia niepasredna hetych dvuch asobaŭ, byli nadalej ščylna zakanśpiravanyja niamieckim bokam.
Jak padaje niamieckaje vydańnie Focus, viedamstva pa achovie kanstytucyi vyjaviła taksama, što adna z supracoŭnic aparatu Płatceka kantaktavała z pradstaŭnikom rasiejskich specsłužbaŭ, jaki pracavaŭ u ambasadzie ŭ Berlinie. Nie vyklučałasia, što jana była zaverbavanaja KHB ŭ časie jaje navučańnia ŭ Maskvie. Pavodle infarmacyjnaha ahienctva dpa, u kancylaryi Płatceka na hety kont zajavili, što nia viedajuć pra kaho idzie razmova i što jany pačnuć ŭłasnuju pravierku.
Niamieckija ŚMI paviedamlajuć i pra inšych padazravanych u špijanažy ludziej Platceka. Adzin ź ich, jaki zajmaŭ vysokuju dziaržaŭnuju pasadu ŭ ziamielnym uradzie, da padzieńnia berlinskaha muru padtrymlivaŭ suviazi z kolišniaj čechasłavackaj specsłužbaj (StB). U vyniku prasłuchoŭvańnia jahonych telefonnych razmovaŭ, jakija sankcyjanavała ŭnutranaja niamieckaja vyviedka, vyśvietliłasia, što hety čałaviek mieŭ kantakty z pradstaŭnikami rasiejskich specsłužbaŭ.
Tym časam federalnaje viedamstva pa achovie kanstytucyi admoviłasia kamentavać infarmacyju niamieckich ŚMI, paviedamlaje dpa.
«My pryncypova nie dajem kamentaroŭ da padobnych paviedamleńniaŭ», zajaviŭ ananimny pradstaŭnik hetaj struktury. U kancylaryi Platceka taksama nie dajuć kamentaroŭ.
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury5
Kamientary