U kamandzie Trampa vystupajuć za adjezd Zialenskaha ŭ Francyju — New York Post
Śpis siabroŭ Zialenskaha ŭ Biełym domie Trampa skaračajecca pa miery eskałacyi napružanaści padčas mirnych pieramovaŭ.
«U lepšym vypadku jon nieadkładna źjedzie ŭ Francyju», paviedamlaje New York Post sa spasyłkaj na ŭłasnyja krynicy.
U prezidenta Ukrainy Uładzimira Zialenskaha mała prychilnikaŭ u najbližejšym atačeńni prezidenta Trampa, pakolki stasunki pamiž imi pahražajuć padarvać pazicyi Kijeva na mirnych pieramovach z Rasijaj.
Napružanyja adnosiny pamiž dvuma lidarami na hetym tydni pierajšli ŭ adkrytuju varožaść paśla taho, jak prezident Ukrainy adchiliŭ pieršapačatkovuju prapanovu ZŠA ab pieradačy amierykancam bolš za 50% redkaziamielnych elemientaŭ.
Tramp u adkaz nazvaŭ Zialenskaha «dyktataram», pamyłkova zajaviŭšy, što rejtynh adabreńnia ŭkrainca składaje 4%, i navat vykazaŭšy zdahadku, što jon spravakavaŭ uvarvańnie Rasii ŭ lutym 2022 hoda. Zialenski, u svaju čarhu, abvinavaciŭ Trampa ŭ tym, što jon žyvie ŭ «dezynfarmacyjnaj prastory».
Choć paharšeńnie adnosin pamiž Vašynhtonam i Kijevam zdajecca raptoŭnym, adna z krynic, znajomaja z chodam pieramovaŭ u Biełym domie, skazała New York Post u čaćvier: «Dla mianie ŭ hetym niama ničoha novaha.
«Niekalki miesiacaŭ tamu ja pačuŭ, što pryjšoŭ čas dla vybaraŭ i novaha kiraŭnictva», — dadaŭ hety čałaviek, jaki skazaŭ, što hramadski rezanans naśpiavaŭ daŭno i što nastroi suprać Zialenskaha šyroka raspaŭsiudžanyja ŭ adnym z kryłaŭ Biełaha doma.
Druhaja krynica, blizkaja da Trampa, pahadziłasia z hetaj acenkaj i vykazała zdahadku, što «najlepšym varyjantam dla [Zialenskaha] i ŭsiaho śvietu budzie jahony nieadkładny adjezd u Francyju».
Dziaržsakratar ZŠA zajaviŭ, što Tramp «vielmi zasmučany praź Zialenskaha»
Makron: Zialenski byŭ demakratyčna abrany, u adroźnieńnie ad Pucina, jaki zabivaje svaich apanientaŭ i manipuluje vybarami
ZŠA prapanavali Kijevu abnoŭleny prajekt pahadnieńnia pa karysnych vykapniach
Finski deputat: Tramp daŭ Jeŭropie try tydni na zhodu z kapitulacyjaj Ukrainy. Inakš pahražaje vyvadam vojskaŭ
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary