Minčuk, jaki pavinien byŭ dahladać śmiarotna chvorych u chośpisie, afarmlaŭ na ich mikrapazyki
Cyničny sposab padzarabić skončyŭsia dla 39-hadovaha mužčyny novaj kryminalnaj spravaj.
Pavodle vysnoŭ śledstva, paśla taho, jak letam 2020 hoda minčuk vyjšaŭ z turmy, dzie adbyvaŭ pakarańnie za zabojstva, jon uładkavaŭsia na pracu ŭ chośpis. Dahladajučy bieznadziejna chvorych pacyjentaŭ, u niejki momant jon daviedaŭsia, što adzin z mabilnych apierataraŭ daje mahčymaść brać mikrapazyki. Pra heta pieradaje ahienctva «Minsk-Naviny».
Mužčyna vyrašyŭ skarystacca z takoj mahčymaści. Jon braŭ u pacyjentaŭ telefony i afarmlaŭ na ich zajaŭki na mikrapazyki, sumy jakich varjiravalisia ad 300 da 1000 rubloŭ. A kali zajaŭki ŭchvalali, jon pieravodziŭ hrošy na svoj asabisty rachunak.
U vypadku, kali pryłady ludziej akazvalisia starymi i praź ich nielha było vyjści ŭ Internet, jon vyciahvaŭ ź ich simki i ŭstaŭlaŭ u svoj mabilny telefon.
Takim čynam niesumlennamu pracaŭniku ŭdałosia padmanuć 7 čałaviek i zarabić u sumie 4100 rubloŭ.
U vyniku mužčynu abvinavacili ŭ ździajśnieńni złačynstva, praduhledžanaha č. 1 art. 212 KK RB (Kradziež majomaści šlacham madyfikacyi kampjutarnaj infarmacyi), mužčynie moža pahražać turemny termin da 3 hadoŭ. Jon całkam pryznaŭ svaju vinu, ale naniesienuju škodu pakryŭ tolki častkova. Ciapier jon znachodzicca pad padpiskaj ab niavyjeździe i čakaje sudu.
Były ministr kultury Rusłan Čarniecki znajšoŭ sabie padpracoŭku9
Kamientary