U minskim Pałacy mastactvaŭ, 17 sakavika a 18‑j adbudziecca śviatočnaja impreza «Źbiraŭsia skarb: 50 tamoŭ «Biełaruskaha knihazboru».
Siońnia ŭ mienskim Pałacy mastactvaŭ a 18‑j viečara adbudziecca śviatočnaja impreza «Źbiraŭsia skarb: 50 tamoŭ «Biełaruskaha knihazboru». U 1996 hodzie vyjšaŭ pieršy tom prajektu — «Vybranyja tvory» Jana Čačota, a niadaŭna ŭžo 50‑ia kniha — tvory Maksima Hareckaha.
Inicyjatyva stvareńnia knižnaha prajektu «Biełaruski knihazbor» naležyć piśmieńniku Kastusiu Ćvirku, jaki byŭ apantany, zdavałasia b, nievykanalnaj maraj — vydać u 200‑ch tamach usio najlepšaje ź biełaruskaj litaratury. U 1995 hodzie intelihiencyja stvaryła Mižnarodny fond «Biełaruski knihazbor», i ŭ nastupnym hodzie vydali ŭžo Jana Čačota.
Zhadvaje Kastuś Ćvirka: «Na samym pačatku našaj dziejnaści chaciełasia jak najbolej vydać knih. Ale jak heta zrabić — nijakaha ŭjaŭleńnia nie było. Tamu što pačynali my z nula, nijakich srodkaŭ nie było. Ale była viera i žadańnie vialikaje. I heta nami ruchała».
Plan‑kataloh «Biełaruskaha knihazboru» praduhledžvaje vydańnie knih u troch padseryjach: «Mastackaja litaratura», «Histaryčna‑litaraturnyja pomniki» i «Pierakłady zamiežnaj klasyki». Na siońniašni dzień vyjšła 12 knih z tak zvanaj «zialonaj» seryi «Pomnikaŭ», 2 tamy ź pierakładnoj seryi (Dastajeŭski i Hiote) i astatnija 36 knih — mastackaja litaratura. Pryčym vydajucca nia tolki klasyki.
Niadaŭna ŭ seryi «Biełaruski knihazbor» vyjšli tamy našych sučaśnikaŭ Niła Hileviča, Hienadzia Buraŭkina, Uładzimiera Niaklajeva.
U najbližejšych planach «Knihazboru» — «Vybranaje» Mikoły Jermałoviča, Paŭła Špileŭskaha, Mikoły Nikifaroŭskaha, Adama Bahdanoviča.
Siońnia ŭviečary ŭ Pałacy mastactvaŭ ščyryja słovy pra «Biełaruski knihazbor» skažuć akademik Radzim Harecki, prafesar Adam Maldzis, zasłužany artyst Biełarusi Viktar Skorabahataŭ, paety Hienadź Buraŭkin, Anatol Viarcinski, Uładzimier Niaklajeŭ. Na viečarynie vystupiać Lavon Volski, tryjo «Vytoki», Taciana Biełanohaja. Uvachod volny.
Pałac mastactvaŭ (Minsk, vuł. Kazłova, 3), 17 sakavika, 18:00.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary