Admieniena viečaryna «Biełaruskaha knihazboru»
Jana miełasia prajści siońnia ŭ minskim Pałacy mastactva. Pryčyna - va ŭdziele ŭ viečarynie Uładzimira Niaklajeva?
Admieniena śviatočnaja impreza «Źbiraŭsia skarb: 50 tamoŭ «Biełaruskaha knihazboru». Jana pavinna była adbycca siońnia ŭ minskim Pałacy mastactva.
Dyrektar vydaviectva «Knihazbor» Hienadź Viniarski paviedamiŭ, što admova tradycyjnaja —
«pa techničnych pryčynach».
Ale kankretna ŭ čym sprava, arhanizataram nie patłumačyli.
Pra admovu stała viadoma ŭčora ŭviečary. «Administracyja prapanuje nam źviarnucca paźniej, mo praz tydzień, kab pieranieści imprezu.
Ale my viedajem, što kali raz kamuści nie spadabałasia, to i paśla nie spadabajecca», — kaža sp. Viniarski.
Namieśnica darektara Pałaca mastactva Hanna Hrynievič admoviłasia tłumačyć, pa jakich pryčynach u pałacy nielha pravieści imprezu.
«Jak mnie skazali, pa techničnych pryčynach na niavyznačany termin.
Ja była b rada skazać, što viečaryna budzie pieraniesiena, ale nie viedaju, kali zała budzie ŭ naležnym stanie».
Vidać, admova ŭ praviadzieńni viečaryny chutčej za ŭsio abumoŭlena składam haściej na joj. Siarod ich — Uładzimir Niaklajeŭ.
Niadaŭna jon prezientavaŭ hramadskuju kampaniju «Havary praŭdu», a ŭ Internecie pačali havaryć pra mahčymy ŭdzieł piśmieńnika ŭ nastupnych prezidenckich vybarach u jakaści kandydata.
Heta admova ŭžo nie pieršaja sioleta.
U lutym u Litaraturnym muziei Maksima Bahdanoviča zabaranili pravodzić imprezu z nahody stahodździa Łarysy Hienijuš.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy14
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec66
Kamientary