U Italii miascovy naturalist zaŭvažyŭ i sfatahrafavaŭ ptušku traŭnika, akalcavanaha ŭ biełaruskim Turavie. Pra heta jon raskazaŭ na svajoj staroncy ŭ sacsietcy, i pra hety vypadak paviedamiła najbujniejšaja ŭ krainie hazieta Repubblica, piša sajt «Biełaruś i mir».
Andrea Sarencina ŭbačyŭ ptušku ŭ niadzielu 9 sakavika ŭ pravincyi Salerna, na plažy Alivieta pamiž Sapry i Viłamare ŭ zalivie Palikastra na Tyrenskim mory. Na łapkach u jaje byli kolcy i biełaja, trochi pažoŭkłaja ad času, birka z dobra bačnym navat zdaloku numaram 597.
Pa słovach Andrea, historyju hetaha traŭnika jamu raskryŭ ekśpiert Adryjana Tałamieli, jaki zajmajecca pošukam i zachavańniem danych pra ptušak dla Dziaržaŭnaha instytuta achovy i daśledavańniaŭ navakolnaha asiarodździa ISPRA.
Vyjaviłasia, što ptuška była paznačanaja 9 červienia 2019 hoda mietaličnym kolcam z numaram S10709 i biełaj birkaj z numaram 597 arnitołaham Paŭłam Pinčukom z Turaŭskaj stancyi kalcavańnia ptušak.
Akramia taho, Adryjana rastłumačyŭ, što ciapierašni vypadak — pieršy ŭ Italii paćvierdžany vypadak nazirańnia traŭnika, akalcavanaha ŭ Biełarusi.
Hetaja ptuška, jakuju za koler noh taksama nazyvajuć jašče čyrvananožkaj, naležyć da siamiejstva bakasavych. Navukovaja jaje nazva — Tringa totanus. Darosłaja asobina dasiahaje vieličyni da 30 sm, razmach kryłaŭ — da 65 sm, vaha — da 170 h.
Traŭnik sustrakajecca pa ŭsioj Jeŭropie, žyvie la ŭźbiarežžaŭ moraŭ i la bierahoŭ drobnych vadajomaŭ, u tym liku na bałotach i zaliŭnych łuhach. Uzimku časta mihruje ŭ bolš ciopłyja paŭdniovyja abo prybiarežnyja rehijony.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary