У Італіі мясцовы натураліст заўважыў і сфатаграфаваў птушку траўніка, акальцаванага ў беларускім Тураве. Пра гэта ён расказаў на сваёй старонцы ў сацсетцы, і пра гэты выпадак паведаміла найбуйнейшая ў краіне газета Repubblica, піша сайт «Беларусь и мир».
Андрэа Сарэнціна ўбачыў птушку ў нядзелю 9 сакавіка ў правінцыі Салерна, на пляжы Алівета паміж Сапры і Виламарэ ў заліве Палікастра на Тырэнскім моры. На лапках у яе былі кольцы і белая, трохі пажоўклая ад часу, бірка з добра бачным нават здалёку нумарам 597.
Па словах Андрэа, гісторыю гэтага траўніка яму раскрыў эксперт Адрыяна Таламелі, які займаецца пошукам і захаваннем даных пра птушак для Дзяржаўнага інстытута аховы і даследаванняў навакольнага асяроддзя ISPRA.
Выявілася, што птушка была пазначаная 9 чэрвеня 2019 года металічным кольцам з нумарам S10709 і белай біркай з нумарам 597 арнітолагам Паўлам Пінчуком з Тураўскай станцыі кальцавання птушак.
Акрамя таго, Адрыяна растлумачыў, што цяперашні выпадак — першы ў Італіі пацверджаны выпадак назірання траўніка, акальцаванага ў Беларусі.
Гэтая птушка, якую за колер ног таксама называюць яшчэ чырвананожкай, належыць да сямейства бакасавых. Навуковая яе назва — Tringa totanus. Дарослая асобіна дасягае велічыні да 30 см, размах крылаў — да 65 см, вага — да 170 г.
Траўнік сустракаецца па ўсёй Еўропе, жыве ля ўзбярэжжаў мораў і ля берагоў дробных вадаёмаў, у тым ліку на балотах і заліўных лугах. Узімку часта мігруе ў больш цёплыя паўднёвыя або прыбярэжныя рэгіёны.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары