Pradstaŭniki dziesiaci nacyjanalnaściaŭ namalavali dla biełarusaŭ i biełaruskich uładaŭ dźvie vialikija paštoŭki kala bramy Varšaŭskaha ŭniviersitetu.
Pradstaŭniki kala dziesiaci nacyjanalnaściaŭ namalavali dla biełarusaŭ i biełaruskich uładaŭ dźvie vialikija paštoŭki kala bramy Varšaŭskaha ŭniviersitetu.
«Jeŭropa nie kusajecca», — pierakonvali biełaruskich čynoŭnikaŭ vinšavalniki. Palicyjanty, što nazirali za akcyjaj, taksama słali vitańni.
Zamiest adnoj abiacanaj paštoŭki pamieram 2,5 na 3 mietry kala bramy źjavilisia 2 vialikija płanšety, na jakich kožny achvotny moh napisać svaje vinšavańni i pažadańni. Takim čynam arhanizatary chacieli pakazać salidarnaść inšych narodaŭ ź biełarusami, jakija 25 sakavika vyjduć na vulicy Minska dy inšych haradoŭ, kab adznačyć Dzień niezaležnaści BNR.
Mienavita da hetych ludziej i skiravanaja pieršaja paštoŭka. A voś druhaja pryznačanaja dla pasłańniaŭ biełaruskim uładam. Jaje pieradali ŭ biełaruskuju ambasadu ŭ Varšavie.
Pahladzieć na paštoŭku dla biełarusaŭ pryjšoŭ i pradstaŭnik Biełaruskaj ambasady ŭ Varšavie, praŭda ad aficyjnych kamientaroŭ admoviŭsia. Zatoje padziakavaŭ za vinšavańni z Dniom Voli ad žurnalistaŭ Biełsata.
Za niekalkich hadzin malavańnie śviatočnych paštovak pieraŭtvaryłasia ŭ sapraŭdnuju mižnarodnuju akcyju, da jakoj dałučalisia turysty i studenty z Paŭnočnaj Karei, Šviecyi, Kazachstana, Ukrainy i biełarusy, jakija žyvuć u Varšavie.
Takim čynam na płanšetach źjavilisia vinšavańni na roznych movach śvietu, malunki i navat ijerohlify. Da vinšavańniaŭ dałučylisia i polskija palicyjanty, jakija nazirali za chepeninham z słužbovaha aŭtamabila. Praŭda, fatahrafavacca i dałučycca da malavańnia jany admovilisia, maŭlaŭ: «Prabačcie, my na słužbie».
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury4
Kamientary