«Hučyć nie tak užo šmat, ale heta vielmi šmat». Tramp vykazaŭsia pra pucinskaje trochdzionnaje pieramirje
Prezident ZŠA Donald Tramp prakamientavaŭ prapanovu prezidenta Rasii Uładzimira Pucina ŭstalavać trochdzionnaje pieramirje ŭ suviazi sa śviatkavańniem 80-hodździa Pieramohi ŭ Druhoj suśvietnaj vajnie.
«Ja dumaju, što my prajšli doŭhi šlach i, mahčyma, niešta adbudziecca, spadziajemsia, što adbudziecca. Jak vy viedajecie, prezident Pucin tolki što abviaściŭ pra trochdzionnaje spynieńnie ahniu, što hučyć nie tak užo šmat, ale heta vielmi šmat, kali vy viedajecie, z čaho my pačynali… U nas byŭ prezident, jaki try hady nie razmaŭlaŭ z Pucinym», — zajaviŭ Tramp.
Na dumku prezidenta ZŠA, na fonie padzieńnia cenaŭ na naftu ZŠA znachodziacca ŭ dobrym stanoviščy, kab damovicca ab zakančeńni vajny. Kanflikt pry hetym nibyta chočuć urehulavać i Rasija, i Ukraina.
Akramia taho, Tramp zajaviŭ, što viedaje, chto adkazny za padryŭ trubapravodaŭ «Paŭnočny patok», paśla taho, jak jaho spytali, ci razhladaje Vašynhton mahčymaść pačać rasśledavańnie taho, što adbyłosia.
«Vierahodna, kali b ja spytaŭ peŭnych ludziej, to ja b zmoh skazać vam [heta], nie marnujučy šmat hrošaj na rasśledavańnie. Dumaju, šmat chto viedaje, chto heta padarvaŭ», — adkazaŭ jon, dadaŭšy, što Maskva da hetaha nie datyčnaja.
APIEK+ rezka pavialičvaje zdabyču nafty. Heta ŭdaryć pa rasijskim biudžecie
«Čyrvonyja linii»: Tramp adkazaŭ, pry jakich umovach ZŠA vyjduć ź pieramoŭ adnosna vajny
Tramp paabiacaŭ uvieści 100-pracentnyja pošliny na zamiežnaje kino i znoŭ adkryć turmu Alkatras
Kamisar ES: Jeŭrasajuz udvaja pavialičyć dapamohu Ukrainie, kali Tramp nie pierakanaje Pucina zaklučyć mir
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary