Kamisar ES: Jeŭrasajuz udvaja pavialičyć dapamohu Ukrainie, kali Tramp nie pierakanaje Pucina zaklučyć mir
Kamisar Jeŭrapiejskaha Sajuza pa pytańniach abarony i kosmasu Andrus Kubilus zajaviŭ, što ES maje mahčymaść istotna ŭzmacnić vajennuju padtrymku Ukrainy, zakuplajučy ŭzbrajeńnie niepasredna va ŭkrainskich vytvorcaŭ, paviedamiŭ jon u sacsietcy X.
Pavodle słoŭ Kubilusa, zaraz ZŠA i ES štohod vydzialajuć kala 40 miljardaŭ jeŭra na vajennuju dapamohu Ukrainie. Adnak, adznačyŭ jon, hetyja srodki možna vykarystoŭvać značna bolš efiektyŭna, kali inviestavać ich u zakupku ŭzbrajeńniaŭ niepasredna va ŭkrainskich vytvorcaŭ, piša «Ukrainskaja praŭda».
«Kali Tramp nie pierakanaje Pucina zaklučyć mir, my mahli b vyłučyć značna bolš pierakanaŭčyja arhumienty na karyść miru vielmi chutka — istotna pavialičyŭšy našu vajennuju padtrymku Ukrainy», — zajaviŭ Kubilus.
Jeŭrapiejski čynoŭnik rastłumačyŭ, što košt uzbrajeńnia, vyrablenaha va Ukrainie, prykładna ŭdvaja nižejšy, čym anałahičnaha ź ES ci ZŠA. Takim čynam, abjom pastaŭlenaj Ukrainie zbroi možna faktyčna padvoić biez pavieličeńnia vydatkaŭ.
«Realnaja vartaść našaj padtrymki vyraście da 80 miljardaŭ jeŭra», — padsumavaŭ jon.
Ciapier čytajuć
U Francyi ad śpioki zahinuŭ dalnabojščyk z Dokšycaŭ2
Kamientary