ES zapadozryŭ Kitaj u abychodzie 80 pracentaŭ sankcyjnych abmiežavańniaŭ suprać Rasii
Kitaj adkazny za 80 pracentaŭ vypadkaŭ abychodu sankcyj, uviedzienych suprać Rasii. Pra heta havorycca ŭ zakrytym dakładzie hiermanskaha MZS, da jakoha atrymali dostup hazieta Süddeutsche Zeitung i telesietki NDR i WDR.
Dakumient reziumuje vyniki pasiadžeńnia Rady ES pa zamiežnych spravach, jakoje adbyłosia 20 maja ŭ Brusieli. Tam abmiarkoŭvalisia mahčymaści pašyreńnia sankcyjnaha režymu suprać Rasii i efiektyŭnaść užo pryniatych mieraŭ.
Pavodle dakładu, ES ličyć, što sankcyi akazali značny ŭpłyŭ na rasijskuju ekanomiku. Dastatkovaha pośpiechu dasiahnuli ŭ baraćbie z «cieniavym fłotam». Kiraŭnik sankcyjnaha kamiteta ES Devid O'Salivan prapanavaŭ vyvučyć mahčymaść uviadzieńnia sankcyj u dačynieńni da partoŭ u Turcyi, Indyi i Małajzii, jakija najbolš časta vykarystoŭvajucca takimi sudnami.
Brusiel, jak śćviardžajecca, dasiahnuŭ «peŭnych pośpiechaŭ» u abmiežavańni ekspartu ŭ Rasiju tavaraŭ, źviazanych z vajnoj, praz trecija krainy, asabliva Armieniju, Sierbiju, Uźbiekistan i Indyju. Adnak pa-raniejšamu isnujuć składanaści z Kazachstanam, Abjadnanymi Arabskimi Emiratami i Turcyjaj.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary