«Treba adšturchnucca ad dna, ale hetaha šturška nie adbyvajecca». Na zmahańnie z padziažom žyvioły vyjšaŭ hienierał Karajeŭ
Razam z Łukašenkam na baraćbu z padziažom bujnoj rahataj žyvioły, jaki paśla 30-hodździa «adradžeńnia siała» dasiahnuŭ «histaryčnaha maksimumu», vyjšli i ŭ rehijonach. Naradu pa hetym pytańni pravioŭ i dva miesiacy tamu pryznačany na pasadu staršynia Hrodzienskaha abłvykankama, były ministr unutranych spraŭ Juryj Karajeŭ, jaki padyšoŭ da pytańnia pa-vajskovamu rašuča.
U zale pasiadžeńniaŭ Hrodzienskaha abłvykankama Karajeŭ sabraŭ usich staršyniaŭ rajvykankamaŭ vobłaści i ich pieršych namieśnikaŭ, jakija kuryrujuć sielskuju haspadarku. Jak metu narady Karajeŭ akreśliŭ «padšturchoŭvańnie na baraćbu z padzieńniem bujnoj rahataj žyvioły», a staršyni kamiteta sielskaj haspadarki zahadaŭ «apisać situacyju i pasprabavać raskłaści jaje na składniki».
Pry hetym Karajeŭ adznačyŭ, što pisać i pakazvać praŭdu dobra, ale spyniacca na hetym nielha. Bo praŭda patrebna tolki dla taho, kab vyjavić sapraŭdnyja pryčyny «padzieńnia» žyvioły i bačyć, z čym zmahacca.
«I kali pryčyny nazvanyja, vam treba adšturchnucca ad dna i papłyści ŭvierch, ale hetaha šturška nie adbyvajecca. Spadziajusia, vy mianie pačuli, ja nie pavinien čuć pra vyjaŭleńnie faktaŭ biaździejnaści i biezadkaznaha staŭleńnia da vykanańnia kiraŭnikami sielhasarhanizacyj svaich abaviazkaŭ», — zajaviŭ jon.
Pres-słužba abłvykankama pry hetym adznačyła, što na stale ŭ Juryja Karajeva lažyć «Pracoŭny sšytak Pieršaha», dzie na kožnaj staroncy jość cytata abo tezis z vystupu Łukašenki. Akramia taho, Karajeŭ unosić tudy zadačy na dzień abo prosta zapisvaje svaje razvažańni.
Łukašenka zajaviŭ, što padziež žyvioły ŭ Biełarusi dasiahnuŭ «histaryčnaha maksimumu»
«Ideołahaŭ šmat, a na haspadarku pastavić niama kaho». Łojka prakamientavała pryznačeńnie Karajeva
Jak ułady čarhovy raz pravalili płany ŭ sielskaj haspadarcy
«Jakaja dziaržava!» Karajeŭ znajšoŭ nahodu dla honaru za čynoŭnikaŭ
Karajeŭ: Na kancert Paliny Haharynaj u Hrodnie hrošy ŭziali ź biznesu
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary