Stan dziaciej, što raźbilisia ŭ DTZ u Voranaŭskim rajonie, vielmi ciažki
Učora ŭ Hrodzienskaj vobłaści adbyłosia DTZ, u vyniku jakoha zahinuła adnahadovaje dzicia.
Kala 23:35 55-hadovy kiroŭca aŭtamabila Mercedes u sčepcy z paŭpryčepam ruchaŭsia na 58-m kiłamietry darohi «Iŭje — Trakieli — Raduń». Pry vyjeździe z zakruhleńnia darohi jon ździejśniŭ źjezd na pravuju abočynu, u vyniku čaho straciŭ kiravańnie nad aŭtamabilem. U vyniku mašyna apynułasia na pałasie sustrečnaha ruchu, dzie adbyłosia łabavoje sutyknieńnie z «Audi» pad kiravańniem 34-hadovaha mužčyny.
Adnahadovaje dzicia ŭ lehkaviku zahinuła na miescy avaryi.
Dvoje darosłych i dvoje dziaciej z Audi byli transpartavanyja ŭ Lidskuju CRB, dzie im praviali ŭsie nieabchodnyja dyjahnastyčnyja i lačebnyja mierapryjemstvy, uklučajučy chirurhičnyja ŭmiašańni, paviedamlaje Minzdaroŭja.
Stan dziaciej aceńvajecca jak vielmi ciažki i ciažki. Miedycynskuju dapamohu akazvali daktary Lidskaj CRB, a taksama śpiecyjalisty abłasnoha ŭzroŭniu, jakija nieadkładna prybyli na miesca. Dadatkova byli vyklikanyja śpiecyjalisty respublikanskaha ŭzroŭniu.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary