Mužčynu, jaki źbiŭ da śmierci žančynu na pošcie ŭ Drybinskim rajonie, adpraviać na psichijatryčnaje lačeńnie
U kancy minułaha hoda ŭ Drybinskim rajonie 39-hadovy mužčyna ŭčyniŭ pahrom na pošcie. Jon hramiŭ abstalavańnie i źbivaŭ ludziej. Paciarpieli piać čałaviek: supracoŭnica pošty i čaćviora naviedvalnikaŭ, adna žančyna pamierła.
«Jon nanios mnostva ŭdaraŭ rukami, nahami, mietaličnaj truboj i frahmientam škła pa roznych častkach cieła», — paviedamili ŭ SK. Adna z paciarpiełych — 71-hadovaja žančyna — zahinuła na miescy zdareńnia. Pryčynaj śmierci stała čerapna-mazhavaja traŭma. Pa fakcie zdareńnia SK raspačaŭ kryminalnuju spravu. Jak akazałasia, mužčyna doŭhi čas pakutuje na psichičny razład. Pry praviadzieńni stacyjanarnaj kompleksnaj sudovaj psichołaha-psichijatryčnaj ekśpiertyzy kamisija ekśpiertaŭ pryjšła da vysnovy, što napadnik u toj pieryjad času nie moh uśviedamlać faktyčny charaktar i hramadskuju niebiaśpieku svaich dziejańniaŭ i kiravać imi. Jon ujaŭlaje asablivuju niebiaśpieku dla hramadstva i maje patrebu ŭ prymianieńni prymusovych mier biaśpieki i lačeńnia ŭ psichijatryčnym stacyjanary z strohim nazirańniem».
Kryminalnaja sprava dla prymianieńnia nieabchodnych mier nakiravana ŭ sud. Mužčynie inkryminujucca ździajśnieńnie hramadska niebiaśpiečnych dziejańniaŭ, praduhledžanych č. 3 art. 339 (asabliva złosnaje chulihanstva), č. 1 art. 14, pp. 1, 6, 13 č. 2 art. 139 (zamach na zabojstva) i pp. 2, 6, 13 č. 2 art. 139 (zabojstva) Kryminalnaha kodeksa Respubliki Biełaruś. Zaraz jon znachodzicca pad vartaj.
Ciapier čytajuć
Paśla ŭltymatumu Zialenskaha retranślatary adklučyli? Apošnija dni rasijskija bieśpiłotniki nie nakiroŭvajucca ŭzdoŭž biełaruska-ŭkrainskaj miažy11
Kamientary